⭕ އަންސާރުﷲ އިން ތާރީޚުގައި ދެވުނު ދުރު ރޭންޖު އެންޓި-ޝިޕް ހަމަލާ ކާމިޔާބުކޮށްފި
🔹ޔަމަނުގެ އަަންސާރުﷲ ޖަމާއަތުން އޮގަސްޓު 24 ގައި، ރަތްކަނޑުގެ އުތުރުން ސައޫދީ އަރަބިއްޔާގެ ތެޔޮ އުފުލާ ޓޭންކަރަކަށް ބެލިސްޓިކް މިސައިލަކުން ވަނީ ހަމަލާދީފައެވެ. މި ހަމަލާއަކީ ސައޫދީއާ ގުޅުންހުރި އުޅަނދުފަހަރަށް ދަތުރުނުކުރެވޭ ގޮތަށް ބްލޮކޭޑެއް ގާއިމުކުރުމަށް އެ ޖަމާއަތުން ކުރިއަށްގެންދާ ހަމަލާތަކުގެ ތެރެއިން ދިން ހަމަލާއެކެވެ.
💢 "އަމްޒާން" ޓޭންކަރަށް ދިން ސީދާ ހަމަލާ
🔹އެ ޖަމާއަތުގެ އަސްކަރީ ތަރުޖަމާނު ބްރިގޭޑިއާ ޖެނެރަލް ޔަހްޔާ ސާރީ ނެރުއްވި ބަޔާނެއްގައި ވިދާޅުވީ، އެ ޖަމާއަތުން ހަމަލާދީފައިވަނީ ސައޫދީގެ ރަތްކަނޑުގެ ބަނދަރު ރަށެއް ކަމަށްވާ ޔަންބޫގެ އަރިމަތިން ދަތުރުކުރި "އަމްޒާން" ނަމަކަށް ކިޔާ ތެޔޮ ޓޭންކަރަކަށް ކަމަށެވެ.
🔹ތަރުޖަމާނު މި ހަމަލާ ސިފަކުރެއްވީ "އަމާޒަށް ވާސިލުވި، ސީދާ" ހަމަލާއެއްގެ ގޮތުގައެވެ. އަދި މި ހަމަލާގެ ސަބަބުން އެ ޓޭންކަރުގައި ވަނީ އަލިފާން ރޯވެފައެވެ.
🔹އޭނާ ފާހަގަކުރެއްވި ގޮތުގައި މި ހަމަލާ ދީފައިވަނީ "ސައޫދީ ދުޝްމަނުންނަށް" ކަނޑުގެ ދަތުރުފަތުރު މަނާކުރުމަށް އަސްކަރީ ބާރުތަކުން ނިންމާފައިވާ ނިންމުމަށް އަމަލުކުރުމުގެ ގޮތުންނެވެ. މި ސިޔާސަތަކީ ސައޫދީ އިސްވެއޮވެ ޔަމަނާ ދެކޮޅަށް ހިންގާ ބްލޮކޭޑަށް ރައްދު ދިނުމުގެ ގޮތުން ކުރިއަށްގެންދާ ކަމެއް ކަމަށް އެ ޖަމާއަތުން ބުނެއެވެ.
🔹"އަހަރެމެން މިދަނީ ހިސާރުގެ ބަދަލުގައި ހިސާރުކުރުމުގެ އުސޫލު ވަރުގަދަކުރަމުން،" ސާރީ އިތުރަށް ވިދާޅުވިއެވެ.
💢 1,000 ކިލޯމީޓަރު ދުރުން ދިން ތާރީޚީ ހަމަލާ
🔹ސައޫދީ އަރަބިއްޔާގެ ގައުމީ ޝިޕިން ކުންފުނި "ބަހްރީ" އިން ނެރުނު ބަޔާނެއްގައި "އަމްޒާން" އަށް ހަމަލާއެއް އަމާޒުވިކަން ކަށަވަރުކޮށްދީފައިވެއެވެ. އަދި ފަޅުވެރިންގެ ހާލު ރަނގަޅު ކަމަށާއި އެއްވެސް މީހަކަށް އަނިޔާއެއް ލިބިފައިނުވާ ކަމަށް ބުނެފައިވެއެވެ.
🔹އޭގެ ކުރިން، ޔުނައިޓެޑް ކިންގްޑަމް މެރިޓައިމް ޓްރޭޑް އޮޕަރޭޝަންސް (ޔޫކޭއެމްޓީއޯ) އޭޖެންސީން ރިޕޯޓުކުރި ގޮތުގައި، ޔަންބޫގެ ހުޅަނގުން 63 ނޯޓިކަލް މޭލު ބޭރުން ދަތުރުކުރި ތެޔޮ ޓޭންކަރަކަށް ނުއެނގޭ އެއްޗަކުން ވަނީ ހަމަލާދީފައެވެ. އަންސާރުﷲގެ ކޮންޓްރޯލް އޮންނަ ސަރަހައްދުތަކުން މި އުޅަނދާ ހަމައަށް 1,000 ކިލޯމީޓަރު ހުރެއެވެ. މިއީ ތާރީޚުގައި ވެސް ކަނޑުގައިވާ އުޅަނދަކަށް އެންމެ ދުރުން ކާމިޔާބުކަމާއެކު ދެވުނ
23:29