Appstar

حسيت نفسي رايح من اسواق الداحرة لمول الجادرية لمن نزلت "تندر" هو صح برنامج تعارف مال ناس عابرين مرحلة الفسگنة بس اني نزلته من باب التجربة (جذب والله) اني متعود اشوف بروفايلات عادية وصور عادية بس بتندر شو احس الوضعية تختلف البنات عابرات مرحلة الجي كلاس وحده تشرب نركيلة حته بالافلام ما شايفها وحده صاعده بايسكل وحده بزونتها بحضنها واني متعود اشوف البزونه بس بحاوية الزبالة تنبش نظام "تندر" لازم اكو اعجاب مشترك بينك وبين المقابل حتى تدردش وياه انه شفت الوضعيه هيج بووياي وحق الله ما خليت وحده ما صمطتها باعجاب بحيث خليت اعجابات اكثر من لايكات ابوي ع الفيس بس ولا وحدة بادلتني الاعجاب كوني لا املك غير الحض والبخت الى ان اجاني اشعار اكو بنات ثنين معجبات بحسابك بس انت ما منطيهن اعجاب❤️ ولازم تدفع 💵 حتى تشوف بروفايلاتهن وترد عليهن وكوني انسان متديييييين استحرمت اصرف فلوسي على امور تافهه وتعتبر سُحت فجأة تذكرت انو اني عراب المطورين وملك الهندسة العكسية!! حسب ما يقوله الاخرون عني رحت فتحت الماكبوك 💻 ربطت الايفون 📱 فعلت جيلبرك (كسر حماية) واعلنت الحرب على تندر…….

بس الصدمة من نزلت تندر على الجهاز مكسور الحماية تندر يكرش!!!!!!!!!!!!! بس افتحه كبل يطلعني من التطبيق يمعووود شكووو خليني بواهسي ليش ما جاي تفتح اكتشفت انو هالتطبيق اللعين يستخدم نظام حماية ذكييي جدا يمنعني من فتح التطبيق في بيئة الجيلبريك واني بدون هالبيئة كلشي ما اكدر اسوي لان ما اكدر افحفص ادوات التحليل اللي استخدمها مثل ida و frida و LLDB ما وصلتني لشيييي اني بطريق مسدود لا اكدر اتقدم ولا اكدر ارجع اضطرييت ابني نظااام كامل للتحليل حتى اشرح التطبيق الى ان اكتشفت انو نظام الحماية هو عبارة عن “FacetecSDK” استمريت بالعمل يومين حتى ابني تويك واخدع هالنظام ونجحححتتتتت 🥳🎉👏 حسيت بانجاز اكبر من انجاز يونس من سجل هدف بكاس اسيا 2007 فتحت التطبيق حتى اكمل باقي خطتي التحليلية اكتشفت انو التطبيق ما يستجيب لأي لمسة؟ الشاشة بيها حركة لكن من المس ماكو اي استجابة!!!!!!!!! 🥶🥶 بقيت احلل يوميين اضافيات حتى اعرف التطبيق متجمد لو الشاشة ما تستجيب للمس؟؟؟؟؟ بقيت احاول محاولات تخمينية يائسة حتى احاول قدر الامكان انو اوصل لشي لكن ما وصلت الى ان رفعت الراية 🏳️ واعلنت فشلي امام تندر بعد اللي صار شفت نفسي مجرد هاوي فاشل مغرور يستخدم اساليب دنيئة لتحقيق غاية اكثر دنائة وتعلمت انو لازم اكول "ما اكدر" مو لانو ما كدرت انما من اجل عدم الخوض بالمجهول الجانب الايجابي عرفت انو الله وفقني لكثير امور إلا الحرام رغم اصراري على الوصول له🤷‍♂️ حذفت تندر للابد مثلما حذفت سناب جات و 12000 تطبيق اخر بدون فائدة بس والله ضلت بنفسي احجي وي ذني البنات الثنين اريد اعرف شنو من ذوق خايس عدهن