ግዜ እና ትንፋሹ💡🖌

እግር ኳስን ከግርግር ያዳነው የትራፊክ መብራት! እ.አ.አ በ1962 እና 1966 የዓለም ዋንጫዎች ላይ በዳኞችና በተጫዋቾች መካከል በቋንቋ አለመግባባት ምክንያት ከፍተኛ ረብሻዎች ይፈጠሩ ነበር። በተለይም በታሪካዊው የጣሊያንና ቺሊ ጨዋታ ላይ ጣሊያናዊው ተጫዋች ጆርጆ ፌሪኒ ከሜዳ እንዲወጣ በዳኛ ቢታዘዝም ቋንቋ ባለመግባባቱ አልሰማሁም በማለቱ በመጨረሻ በፖሊስ ተጎትቶ ለመውጣት ተገዷል። ይህንን አስከፊ የቋንቋ ፈተና ለመቅረፍ ሌሊትና ቀን ያስብ የነበረው እንግሊዛዊው ዳኛ ኬን አስተን (Ken Aston) አንድ ቀን በለንደን ጎዳና በትራፊክ መብራት ስር ቆሞ መብራቱ ከቢጫ ወደ ቀይ ሲቀየር ድንገት ታላቅ መፍትሔ አገኘ። "ቢጫ 'ማስጠንቀቂያ'፣ ቀይ ደግሞ 'መቆም/መውጣት' መሆኑን በዓለም ላይ ሁሉም ሰው ያውቃል፤ ታዲያ ይህን ለምን እግር ኳስ ላይ አንተገብረውም?" በማለት አሰበ። ወደ ቤቱ እንደተመለሰም ባለቤቱ ሂልዳ ከልብስ ስፌት ዕቃዋ ውስጥ ቢጫና ቀይ ወረቀቶችን በኪስ በሚያዝ ልክ በመቁረጥ የመጀመሪያዎቹን ካርዶች አዘጋጀችለት። ይህንን ድንቅ ፈጠራ ፊፋ (FIFA) በደስታ ተቀብሎ በ1970 የሜክሲኮ ዓለም ዋንጫ ላይ ለመጀመሪያ ጊዜ በይፋ ሥራ ላይ አዋለው። መላውን የስፖርት ዓለም አንድ ያደረገውና ሥርዓት ያስያዘው ይህ ታሪክ የተወለደው ከአንድ አስተዋይ ዳኛ እና ከቀላል የትራፊክ መብራት ሁኖ ዛሬ ላይ ደርሷል። 📌 ምንጮች፦ FIFA, Wikipedia, The Guardian #FootballHistory #KenAston https://telegram.me/litjournalism/129805