Видео
click to show
click to show
Була инде... үскәндә...
Егылып борын канатсам,
Яки башны тишкәндә,
Елый-елый өйгә керсәм,
Әйтеп куяр иде әнкәй:
"Ярар, ярар... елап торма,
Иртәгә үк төзәлә ул.
Була инде... үскәндә..."
...Язмыш җиле, сыйпамыйча,
Йөзгә бәреп искәндә,
Нәүмиз җаным телем-телем
Ачы кайгы кискәндә,
Абынып-сөрлегеп калсам,
Юньсез бәндәләргә тарсам
Гомер юлын кичкәндә,
Үз-үземне юатам мин:
"Ярар, ярар... елап торма!
Яши-яши төзәлә ул...
Була инде... үскәндә..."
Шәмсия Җиһангирова
1.9K ·