Gold_549 Sport

မက်ဆီနဲ့ ရော်နယ်ဒိုတိုရဲ့ ကစားသမားဘဝနောက်ဆုံးအခန်းတွေက ဆာလာအတွက် စိတ်ဝင်စားစရာ သင်ခန်းစာတစ်ခုလို ဖြစ်နေခဲ့တယ်။ ရော်နယ်ဒိုက ဆော်ဒီကိုရွေးပြီး လိဂ်တစ်ခုရဲ့ အာရုံစိုက်မှုကို ကမ္ဘာ့ဘောလုံးထဲ ပြန်ဆွဲတင်ခဲ့သလို၊ မက်ဆီကလည်း အမေရိကန်မြေမှာ သူ့ရဲ့အမည်နဲ့ မေဂျာလိဂ်ရဲ့တန်ဖိုးကို တစ်ဆင့်မြှင့်တင်ခဲ့တယ်။ အခု ဆာလာကတော့ သူ့အလှည့်မှာ ဘယ်လမ်းကိုရွေးမလဲဆိုတာကို ပြသလိုက်ပြီ။ တူရကီမြေကို ရွေးချယ်လိုက်တာဟာ ဆာလာအတွက် ရိုးရိုးအသင်းပြောင်းရွှေ့မှုတစ်ခုထက် ပိုကြီးမားတဲ့ စိန်ခေါ်မှုတစ်ခုလို မြင်ရတယ်။ ကမ္ဘာ့ထိပ်တန်းကစားသမားတစ်ယောက်အနေနဲ့ အသင့်အောင်မြင်ပြီးသားနေရာမှာ ဆက်နေမယ့်အစား လူတိုင်းမျက်စိကျလောက်အောင် ခက်ခဲပြီး မသေချာတဲ့ ပတ်ဝန်းကျင်အသစ်တစ်ခုကို ဝင်ရောက်ဖို ရွေးချယ်လိုက်တာပဲ။ တစ်နှစ်လုပ်ခအမြင့်ဆုံးကစားသမားဖြစ်လာတာကတော့ အဲဒီဆုံးဖြတ်ချက်ရဲ့ အပိုဆုတစ်ခုလိုပဲ ပြောရမယ်။ ဒါပေမယ့် ဆာလာရဲ့ အကြီးမားဆုံးရည်ရွယ်ချက်က သူကိုယ်တိုင်အောင်မြင်ဖိုတင် မဟုတ်နိုင်ဘူး။ ရော်နယ်ဒိုနောက်ကို ဆော်ဒီမှာ ထိပ်တန်းနာမည်တွေ လိုက်လာခဲ့သလို၊ ဆာလာရဲ့ တူရကီစွန့်စားခန်းနောက်ကိုလည်း ကမ္ဘာ့အဆင့်ကစားသမားတွေ လိုက်ပါလာမလားဆိုတာက ပိုစိတ်ဝင်စားစရာကောင်းနေတယ်။ အကယ်၍ အဲဒီလိုဖြစ်လာခဲ့ရင် ဆာလာဟာ အသင်းတစ်သင်းကို ပြောင်းသွားတဲ့ ကစားသမားတစ်ယောက်မဟုတ်တော့ဘဲ တူရကီဘောလုံးရဲ့ ဇာတ်လမ်းအသစ်ကို စတင်ရေးသားပေးတဲ့ မင်းသားတစ်ယောက် ဖြစ်လာနိုင်တယ်။ Photo Credit Goal 549

တစ်ချိန်က ဥရောပဘောလုံးလောကမှာ အတောက်ပဆုံးတောင်ပံကစားသမားတွေထဲက တစ်ယောက်အဖြစ် သတ်မှတ်ခံခဲ့ရတဲ့ ရာဖေးလ်လီယောင်ဟာ အခုတော့ သူ့ရဲ့နာမည်နဲ့ အရည်အချင်းကြားက ကွာဟချက်ကို ကိုယ်တိုင်ရင်ဆိုင်နေရပါပြီ။ အေစီမီလန်နဲ့ လမ်းခွဲဖို ဆုံးဖြတ်ထားပြီး အသင်းသစ်ရှာဖွေနေပေမယ့် ထိပ်တန်းအသင်းတွေဆီက အပြိုင်အဆိုင်ကမ်းလှမ်းမှုတွေ မရရှိတဲ့အပြင် လိဒ်စ်ယူနိုက်တက်ကိုပါ သူ့ကိုခေါ်ယူပေးဖို တောင်းဆိုရတဲ့အခြေအနေထိ ရောက်လာခဲ့ပါတယ်။ ဒါပေမယ့် အဲ့ဒီအခွင့်အရေးကိုတောင် လိဒ်စ်ယူနိုက်တက်က ငြင်းပယ်လိုက်ပါတယ်။ လီယောင်ရဲ့ပြဿနာက အရည်အချင်းမရှိတာ မဟုတ်ပါဘူး။ သူ့မှာ ထိပ်တန်းကစားသမားတစ်ယောက်ဖြစ်လာနိုင်မယ့် အရည်အချင်းတွေ အပြည့်အဝရှိခဲ့ပါတယ်။ ပြဿနာကတော့ အဲ့ဒီအရည်အချင်းကို တည်ငြိမ်တဲ့စွမ်းဆောင်ရည်အဖြစ် မပြောင်းလဲနိုင်ခဲ့တာပါ။ စိတ်ဓာတ်ပိုင်းဆိုင်ရာ မတည်ငြိမ်မှုတွေ၊ အသင်းနဲ့ဆက်ဆံရေးဆိုင်ရာ ပြဿနာတွေ၊ ကိုယ့်တန်ဖိုးကို ကိုယ်သတ်မှတ်ထားတဲ့အတိုင်း ပြန်လည်သက်သေမပြနိုင်တာတွေက သူ့ရဲ့ဈေးကွက်တန်ဖိုးကို တဖြည်းဖြည်းကျဆင်းစေခဲ့ပါတယ်။ အထူးသဖြင့် လစာနဲ့ပတ်သက်တဲ့ မျှော်မှန်းချက်တွေကလည်း ပြဿနာတစ်ခုဖြစ်လာပါတယ်။ ကစားသမားတစ်ယောက်အနေနဲ့ ကိုယ့်တန်ဖိုးကို မြင့်မြင့်မားမားသတ်မှတ်တာ မမှားပေမယ့် အဲ့ဒီတန်ဖိုးနဲ့ ကိုက်ညီတဲ့အဆင့်ကို ကွင်းထဲမှာ အမြဲတမ်းပြသနိုင်ဖိုတော့ လိုပါတယ်။ အခုအခြေအနေမှာတော့ လီယောင်က သူ့ကိုယ်သူ မြင်တဲ့အဆင့်နဲ့ ဈေးကွက်က သူ့ကိုမြင်တဲ့အဆင့်ကြားမှာ ကြီးမားတဲ့ကွာဟချက်တစ်ခု ပေါ်လာခဲ့ပါပြီ။ တစ်ချိန်က ဥရောပရဲ့ အနာဂတ်ကြယ်ပွင့် လို ပြောခံခဲ့ရတဲ့ လီယောင်ဟာ အခုတော့ ကိုယ်တိုင်ရွေးချယ်ချင်တဲ့အသင်းကို ရွေးချယ်နိုင်တဲ့အခြေအနေမှာ မရှိတော့ဘဲ ကိုယ့်ကိုလက်ခံမယ့်အသင်းကို ပြန်ရှာနေရတဲ့အခြေအနေ ဖြစ်လာပါတယ်။ လိဒ်စ်ယူနိုက်တက်ကပါ ငြင်းပယ်လိုက်တဲ့အဖြစ်က သူ့အတွက် သတိပေးချက်ကြီးတစ်ခုပါပဲ။ အရည်အချင်းက ကစားသမားတစ်ယောက်ကို ထိပ်ဆုံးရောက်အောင် ပိုပေးနိုင်ပေမယ့် စိတ်ဓာတ်နဲ့ ဆုံးဖြတ်ချက်မှားတွေကတော့ အဲ့ဒီထိပ်ဆုံးကနေ ပြန်ဆွဲချနိုင်တယ်ဆိုတာ လီယောင်ရဲ့ဇာတ်လမ်းက ပြသနေပါတယ်။ Photo Credit Goal 549

ဂရင်းနစ် ချာကာဟာ လက်ရှိ ကမ္ဘာ့ဘောလုံးလောကရဲ့ ထိပ်သီးနည်းပြနှစ်ဦးဖြစ်တဲ့ မီကေလ် အာတီတာ ရော၊ ဇာဗီ အလွန်ဆို ဆီမှာပါ အဓိကကျတဲ့ ကစားသမားအဖြစ် ကစားခဲ့ဖူးသူပါ။ ဒါကြောင့်လည်း သူပြောပြတဲ့ ဇာတ်လမ်းက ပိုပြီးတော့ အရသာရှိလှပါတယ်။ ဇာတ်လမ်းကို ပြန်စရရင်... အာဆင်နယ်အသင်းမှာ ချာကာတစ်ယောက် သုံးရာသီခွဲကြာ ဖြတ်သန်းခဲ့တဲ့ အချိန်တွေဆီ ပြန်သွားရပါလိမ့်မယ်။ အဲဒီအချိန်က အာတီတာဟာ အာဆင်နယ်ကို စတင်ကိုင်တွယ်တဲ့ "နည်းပြပေါက်စ" အဆင့်ပဲ ရှိပါသေးတယ်။ ဒါပေမဲ့ အာတီတာမှာ ပြတ်သားတဲ့ စည်းကမ်းနဲ့ ကျောက်ထွင်းထားသလို ခိုင်မာတဲ့ ဒဿနရှိတယ်။ "မီကေလ်မှာ သူ့ရဲ့ ကိုယ်ပိုင်အယူအဆ ရှိတယ်၊ ဒါက ပြင်လိုမရတဲ့ ကျောက်စာပဲ..." ချာကာ က အာတီတာအကြောင်းကို ဒီလို ပြန်ပြောင်းပြောပြပါတယ်။ " အာတီတာရဲ့ ကစားကွက်ဟာ အလွန်တိကျပြီး စနစ်ကျလွန်းပါတယ်။ သူဟာ နောက်တန်း လေးယောက် (Back Four) စနစ်ကို ဘယ်တော့မှ မစွန့်လွှတ်သလို၊ ဗဟိုကွင်းလယ်ခံစစ် တစ်ယောက် (No. 6) နဲ့ ကွင်းလယ်တိုက်စစ် နှစ်ယောက် (No. 8) ပုံစံ 4-3-3 ကစားကွက်ကိုပဲ တစိုက်မတ်မတ် သုံးစွဲပါတယ်။ ကစားသမားတွေဟာ သတ်မှတ်ထားတဲ့ နေရာကနေ သွေဖည်လိုမရသလို၊ တိကျတဲ့ ဂျီဩမေတြီပုံစံတွေနဲ့ ပြိုင်ဘက်ကို ချည်းကပ်ရတာဖြစ်လို အာတီတာရဲ့ အာဆင်နယ်ဟာ အမှားအယွင်းမရှိ စည်းချက်ညီညီ လည်ပတ်နေတဲ့ စက်ယန္တရားကြီးတစ်ခုနဲ့ တူလှပါတယ်...." ဒါပေမဲ့ ချာကာတစ်ယောက် ပေါင် ၂၁ သန်းနဲ့ ဂျာမနီမြေက လေဗာကူဆင်အသင်းဆီ ပြောင်းရွှေ့သွားတဲ့အခါမှာတော့ လုံးဝခြားနားတဲ့ ဘောလုံးကမ္ဘာသစ်တစ်ခုကို တွေ့လိုက်ရပါတော့တယ်။ အဲဒီမှာ သူ့ကို စောင့်ကြိုနေတာက ကစားသမားဘဝ ကွင်းလယ်အမြင်မှာ ပါရမီထူးချွန်ခဲ့သလို နည်းပြဘဝမှာလည်း ပါးနပ်လွန်းတဲ့ ဇာဗီ အလွန်ဆို ပါပဲ။ "ချာဘီကတော့ တစ်မျိုးကွဲပြားတယ်။ သူက နောက်တန်း လေးယောက်ရော၊ နောက်တန်း ငါးယောက် (Back Five) နဲ့ပါ ကစားနိုင်တယ်။ သူ အမြဲတမ်းလိုချင်တာကတော့ ကွင်းလယ်ခံစစ် နှစ်ယောက် (Double Pivot - Two No. 6s) ရှိနေဖိုပဲ...." အလွန်ဆိုဟာ ကစားသမားတွေကို တစ်နေရာတည်းမှာ တင်းကျပ်စွာ ပိ-တ်လှော-င်မထားပါဘူး။ အထူးသဖြင့် ကွင်းလယ်ခံစစ် နှစ်ယောက်ကို နေရာအနှံ လျှောက်မပြေးစေဘဲ စည်းချက်ကို ထိန်းကျောင်းစေပါတယ်။ ပြိုင်ဘက်ရဲ့ အားနည်းချက်ကို ကြည့်ပြီး ပွဲအတွင်းမှာတင် ကစားကွက်ကို လိုက်လျောညီထွေ ပြောင်းလဲပစ်တတ်တဲ့ အလွန်ဆိုရဲ့ နည်းဗျူဟာဟာ ပြိုင်ဘက်တွေအတွက်တော့ ခန့်မှန်းရ အခက်ဆုံး ဘောလုံးအနုပညာတစ်ခု ဖြစ်လာခဲ့ပါတယ်။ အာတီတာ နဲ့ အလွန်ဆ