حَامِد | tech

قصة صارت معي علمتني كثيييير كنت مفكر إنه عندنا مشكلة infrastructure عندنا عيادة قريب تدخل على مشروع معين وعندها تقريبًا 270 ألف مريض، فكنت شايف إن السيرفر عنده أكثر من CPU والـNext.js process مش عم يستخدمهم كلهم، فقلت يمكن وصلنا لمرحلة نحتاج نعمل scaling للـapplication. بس قبل ما أغير أي شي بالـinfrastructure قلت خليني أقيس أول. عملنا environment فيها تقريبًا 200 ألف مريض، 379 ألف موعد، و232 ألف فاتورة، وشغلنا load testing بـ k6 وGrafana بطريقة تحاكي استخدام الموظفين الحقيقي: بحث عن المرضى، المواعيد، ملفات المرضى، الفواتير، dashboard، وحجز المواعيد. عند 25 مستخدم بنفس الوقت كان تقريبًا 7.66% من الـrequests يفشلوا. لكن الـCPU تبع التطبيق كان تقريبًا فاضي… يعني المشكلة مش بالسيرفر. المشكلة كانت ببعض الـqueries والـlogic تبع قاعدة البيانات، وكانت تعمل شغل ضخم بدون داعي. بعد ما حددنا الـbottlenecks وعدلناهم: 25 مستخدم → 0 failures 50 مستخدم → 0 failures 100 مستخدم → 0 failures من أصل 11,374 request وكمان شغل قاعدة البيانات بنفس اختبار الـ25 مستخدم نزل تقريبًا 90%. أكبر درس بالنسبة إلي من الشغل هذا: لا تعمل scaling لأنك “حاسس” إنك محتاج scaling. قيس أول، اعرف وين المشكلة فعلًا، وبعدها قرر إذا الحل code، database، infrastructure أو شي ثاني. بالجزء الجاي بحكي عن query كانت تقريبًا 2 ثانية وصارت 22ms باذن الله تعالى، وفقنا الله و اياكم

كنت عم ببحث شوي بموضوع المكملات، وفي كم مكمل فعلاً ممكن يكونوا مفيدين، خصوصاً إذا أكلك ما بغطي احتياجك. أول واحد Vitamin D3، احتياج الشخص البالغ تقريباً 600 وحدة يومياً. طبعاً إذا عندك نقص الموضوع مختلف وممكن تحتاج جرعات أعلى حسب التحليل، لكن مش منطق تاخد 5000 أو 10000 وحدة يومياً من راسك. الـ Zinc كمان مهم، خصوصاً إذا ما بتاكل كثير لحوم ومصادر زنك. احتياج الرجل تقريباً 11mg باليوم، ولو بدك مكمل 10-15mg يعتبر جرعة معقولة. وما في داعي تروح على 40 و50mg يومياً، الزيادة هون مش أحسن وممكن تعمل مشاكل مع الاستخدام الطويل. المغنيسيوم احتياج الرجل منه تقريباً 400-420mg باليوم، بس هاد الاحتياج الكامل من الأكل والمكملات، مش يعني تروح تاخد 400mg حبوب. لو بدك مكمل، Magnesium Glycinate خيار كويس، مثلاً 100-200mg elemental magnesium، وممكن تاخده بالليل. وفي نقطة مهمة هون: لما تشوف مثلاً مكتوب Magnesium 500mg، مش شرط يكون فيها 500mg مغنيسيوم فعلي. شوف دائماً كمية الـ elemental magnesium. الكرياتين بالنسبة إلي من أوضحهم، خصوصاً لو بتتمرن. Creatine Monohydrate عادي، 3-5g يومياً وخلاص. ما بتحتاج أنواع غريبة ولا loading ولا cycling. وهو أصلاً من أكثر المكملات المدروسة. وأخيراً زيت السمك، بالنسبة إلي اختياري. إذا بتاكل سمك بشكل منتظم غالباً ما في داعي، لكن إذا نادراً بتاكل سمك ممكن يكون مفيد. بس لا تطالع على رقم Fish Oil 1000mg لحاله، شوف كمية EPA + DHA الفعلية الموجودة فيه

بالجزء الأول حكيت كيف اختبار الضغط [Load Testing] بيّن إنه المشكلة مش بالبنية التحتية [Infrastructure] أصلًا، وإنما ببعض الاستعلامات والمنطق داخل النظام. واحدة من أغرب المشاكل كانت صفحة المرضى. الصفحة تعرض مثلًا 20 مريض فقط، لكن بالخلفية كان [PostgreSQL] يعمل شغل على تقريبًا كل الـ200 ألف مريض حتى يطلعلك هدول الـ20. والموضوع ما كان مجرد: “ناقصنا [Index] وخلاص”. كان في أكثر من سبب بنفس الوقت. [PostgreSQL] كان يعمل [Materialize] لنتيجة كبيرة بدون داعي، وفي دالة داخل قاعدة البيانات كان يتم اختيار [Execution Plan] إلها قبل ما يعرف قيمة البحث الفعلية، وفوق كل هذا كنا نعيد حساب إحصائيات المرضى مع كل حرف بالبحث وكل تغيير صفحة. بعد ما عدلنا طريقة الاستعلام وطريقة عمل الـ[Flow] نفسه: قائمة المرضى: [2074ms → 22ms] يعني تقريبًا 94 مرة أسرع. والبحث باسم شائع مثل “محمد”: [1600ms → 88ms] يعني تقريبًا 18 مرة أسرع. وفي نقطة عجبتني كثير أثناء الشغل: أول تحسين جربناه على استعلام كتبناه يدويًا أعطانا نتيجة تقريبًا 21 مرة أسرع. لكن لما اختبرنا الدالة الحقيقية اللي التطبيق يستخدمها فعلًا، طلع الأداء لسا بطيء. يعني لو وقفنا عند الـ[Benchmark] الأول، كان ممكن نقول “ممتاز، المشكلة انحلت” ونمشي، بينما السبب الحقيقي لسا موجود. وهون كان درس حلو: اختبر المسار الحقيقي [Real Path] اللي التطبيق يستخدمه، مش استعلام مشابه إله وتعتبر إن الأداء صار ممتاز. بالجزء الثالث بحكي عن مشكلة ثانية اكتشفناها باختبار الضغط: بحث كان شغال طبيعي مع كمية بيانات صغيرة، لكن لما كبرت البيانات صار يعطي أرقام غلط، وببعض الحالات يوصل لـ[500 Error]

الاداة مش طبيعية تقدر فيها تخلي كلام تشيل الموسيقى و تسوي زي narration يعني ال agent يصير يحكي شي قوي جدا جدااا

باختصار تعلم المهارة الي ال AI ضعيف فيها

فكر قليلا وتوكل على الله كثيرا و افعل كثيرا بعمره التفكير ما غير شي