Sanoat kooperatsiyasi va davlat xaridlari agentligi | ICPPA
Video 3.mp4 · 19.3 MB · click to show
#OAV_BIZ_HAQIMIZDA
Avtomobilsozlik sanoatiga bag‘ishlangan “Milliy sanoat zanjiri” ko‘rgazmasi bo‘lib o‘tdi
Renessans TV - "OVOZA" informatsion dasturi
🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin
🇰🇷🇺🇿Koreya Respublikasidagi xizmat safari doirasida qator uchrashuvlar o‘tkazildi
Sanoat kooperatsiyasi va davlat xaridlari agentligi hamda mas’ul idoralar vakillaridan iborat delegatsiyaning Koreya Respublikasiga xizmat safari doirasida davlat xaridlarini takomillashtirish, raqamlashtirish, mahalliy ishlab chiqarishni rivojlantirish, texnologiyalar transferi va institutsional hamkorlikni kengaytirish masalalari bo‘yicha qator uchrashuvlar o‘tkazildi.
KOICA — Koreya xalqaro hamkorlik agentligi bosh ofisidagi uchrashuvda Koreya tajribasi asosida O‘zbekistonda elektron davlat xaridlari tizimini yanada rivojlantirish, ushbu yo‘nalishda texnik ko‘mak va grant dasturlaridan foydalanish imkoniyatlari muhokama qilindi. Shuningdek, koreyalik ekspertlarni jalb qilish, mutaxassislar malakasini oshirish masalalari yuzasidan fikr almashildi.
KOTRA — Koreya savdo-investitsiyalarni qo‘llab-quvvatlash agentligi rahbariyati bilan uchrashuvda O‘zbekistonda mahalliylashtirish istiqboli mavjud mahsulotlar bo‘yicha Koreyaning ishlab chiqaruvchi kompaniyalari bilan aloqalarni yo‘lga qo‘yish masalalari ko‘rib chiqildi. Koreya kompaniyalari bilan B2B uchrashuvlar tashkil etish, texnologik sheriklikni rivojlantirish, qo‘shma loyihalar va ishlab chiqarish kooperatsiyasini kengaytirish imkoniyatlari muhokama qilindi.
PPS — Koreya davlat xaridlari xizmatidagi uchrashuvda davlat xaridlarini markazlashgan tartibda boshqarish va dunyodagi ilg‘or elektron xaridlar tizimlaridan biri bo‘lgan KONEPS faoliyati yaqindan o‘rganildi. Xususan, elektron katalog va ramkaviy shartnomalar, narx monitoringi, yetkazib beruvchilarni baholash, TCO yondashuvi, elektron shartnoma va to‘lovlar, davlat axborot tizimlari integratsiyasi hamda sun’iy intellekt asosida risklarni tahlil qilish mexanizmlari bo‘yicha Koreya tajribasi muhokama qilindi.
Shuningdek, delegatsiya ETRI — Elektronika va telekommunikatsiyalar ilmiy-tadqiqot instituti faoliyati bilan tanishdi. Tashrif davomida institut tomonidan ishlab chiqilg
✈️ Yangi Toshkent xalqaro aeroporti loyihasida qanday hamkorlik imkoniyatlari bor?
Ertaga, 3-oktabr kuni “L&T Connect” tadbiri bo‘lib o‘tadi. Unda Yangi Toshkent xalqaro aeroporti loyihasi, uni amalga oshirish doirasidagi asosiy ish va xarid yo‘nalishlari hamda kompaniyalar uchun hamkorlik imkoniyatlari taqdim etiladi.
Tadbir davlat organlari, tarmoq korxonalari rahbarlari, biznes hamkorlar va soha vakillarini bir maydonda jamlaydi. Uning maqsadlaridan biri — mahalliy salohiyatni birgalikda rivojlantirish imkoniyatlarini o‘rganish, yangi ish o‘rinlari yaratish hamda O‘zbekiston uchun barqaror infratuzilmaviy va sanoat yechimlarini shakllantirishdan iborat.
“L&T Connect” doirasida aeroport loyihasi bo‘yicha taqdimot va savol-javob sessiyasi o‘tkazilib, kunning ikkinchi yarmi B2B uchrashuvlarga ajratiladi. Ularda kompaniyalar loyiha doirasidagi tegishli ish yo‘nalishlari bo‘yicha L&T vakillari bilan bevosita muloqot qilish imkoniyatiga ega bo‘ladi.
B2B muloqotlar yo‘nalishlar bo‘yicha tashkil etiladi. Xususan, umumqurilish ishlari, arxitektura va pardozlash, po‘lat konstruksiyalar va fasadlar, muhandislik tizimlari, past tokli va maxsus aeroport tizimlari hamda konsalting xizmatlari bo‘yicha alohida uchrashuvlar nazarda tutilgan.
Shu jihatdan, tadbir qurilish, sanoat mahsulotlari ishlab chiqarish, muhandislik, texnologik yechimlar va ixtisoslashgan xizmatlar sohasida faoliyat yurituvchi kompaniyalar uchun loyihaning ehtiyojlari bilan tanishish, o‘z imkoniyatlarini taqdim etish va ehtimoliy hamkorlik yo‘nalishlarini muhokama qilish maydoni bo‘ladi.
🗓3-oktabr 2026-yil;
⏱️09:30–17:00;
📍 Manzil.
🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin
Sanoat kooperatsiyasi va davlat xaridlari agentligi | ICPPA
Video Reportaj 02 TG (3).mp4 · 199.4 MB · click to show
🏛️ Jizzaxdagi ko‘rgazma yangi sanoat aloqalariga yo‘l ochdi
29–30-sentabr kunlari Jizzax shahrida avtomobilsozlik sanoati yo‘nalishidagi “Milliy sanoat zanjiri” ko‘rgazmasi bo‘lib o‘tdi.
Sanoat kooperatsiyasi va davlat xaridlari agentligi, “O‘zavtosanoat” AJ hamda Jizzax viloyati hokimligi hamkorligida tashkil etilgan ko‘rgazmada 84 ta tarmoq va hududiy korxona o‘z mahsulotlari, ishlab chiqarish quvvatlari va texnologik imkoniyatlarini namoyish etdi.
Ikki kun davomida ko‘rgazmada qariyb 1000 nafar ishtirokchi qatnashdi. Mahalliy ishlab chiqaruvchilar, yirik avtomobilsozlik korxonalari, davlat buyurtmachilari, xarid operatorlari hamda soha tashkilotlari vakillari bir maydonda jam bo‘lib, yangi kooperatsiya va hamkorlik imkoniyatlarini muhokama qildi.
Ko‘rgazmaning birinchi kunida asosiy e’tibor mahalliy ishlab chiqaruvchilarning imkoniyatlarini yirik avtomobilsozlik korxonalarining real ehtiyojlari bilan bog‘lashga qaratildi.
Ekspozitsiyalarda avtomobilsozlik uchun butlovchi va ehtiyot qismlar, metall, plastmassa, rezina-texnika, elektrotexnika mahsulotlari, yangi mahalliylashtirish loyihalari, innovatsion ishlanmalar hamda zamonaviy texnologik yechimlar taqdim etildi.
Alohida tashkil etilgan “Avtomobilsozlik ekotizimi”, “Raqamli avtomobilsozlik”, “Kelajak loyihalari” hamda startap va innovatsiyalar zonalarida elektromobillar, akkumulyator texnologiyalari, sanoat robotlari, avtomatlashtirilgan ishlab chiqarish, raqamli yechimlar va istiqbolda mahalliylashtirilishi mumkin bo‘lgan mahsulotlar namoyish qilindi.
B2B va B2G uchrashuvlarida mahalliy korxonalar o‘z mahsulotlarini yirik buyurtmachilarga bevosita taqdim etib, yangi mahsulotlarni o‘zlashtirish, subpudrat va kooperatsiya asosida ishlab chiqarish, shuningdek, istiqbolli buyurtmalar bo‘yicha muzokaralar olib bordi.
Birinchi kun yakuniga ko‘ra, ko‘rgazmaga 700 dan ortiq ishtirokchi tashrif buyurdi.
Kun davomida ishtirokchilar BYD Uzbekistan Factoryda ham bo‘lib, avtomobil ishlab chiqarish jarayonlari, te
🇺🇿🇷🇺Rossiya bozoriga eksport imkoniyatlarini kengaytirish va elektron tijorat sohasida yangi hamkorlik
«O‘zbekekspertiza” AJ Bosh direktori U.A'zamxo'jayev va "Ozon" marketpleysining O'zbekistondagi vakillari - tijorat direktori I. Gordinskiy va GR direktori E. Shukurov o‘rtasida bo‘lib o‘tgan uchrashuvda O‘zbekistonlik ishlab chiqaruvchilarning mahsulotlarini Rossiya bozoriga eksport imkoniyatlarini kengaytirish va elektron tijorat sohasida hamkorlikning yangi mexanizmlari muhokama qilindi.
🇺🇿 Uchrashuvning asosiy yo‘nalishlaridan biri — O‘zbekistonda ishlab chiqarilgan mahsulotlarni O'zbekekspertiza axborot bazasi orqali raqamli verifikatsiya qilish, ularning kelib chiqishini tasdiqlash hamda Ozon platformasida «Made in Uzbekistan” yo‘nalishini rivojlantirish.
➡️Batafsil
🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin
✔️Davlat xaridlari bo‘yicha 400 dan ortiq foydalanuvchi sertifikat oldi
Davlat xaridlari sohasida bilim va ko‘nikmalarni oshirishga mo‘ljallangan edu.icppa.uz onlayn o‘quv platformasida bugungi kunga qadar 1 575 nafar foydalanuvchi ro‘yxatdan o‘tdi. Ularning 414 nafari o‘quv kursini muvaffaqiyatli yakunlab, sertifikat oldi.
Platforma orqali ta’lim olayotgan foydalanuvchilar 1 196 ta yuridik shaxs vakillarini qamrab olgan. Bu davlat xaridlari bo‘yicha bilimlarni mustaqil ravishda egallashga qiziqish ortib borayotganini ko‘rsatadi.
Qiziqarli jihati, platformada sertifikat olish uchun sarflangan eng qisqa vaqt 9 soat 40 daqiqani, o‘rtacha ko‘rsatkich esa 4 kun 8 soat 51 daqiqani tashkil etgan.
Kurs davlat xaridlarining asosiy qoidalari va amaliy jarayonlarini o‘rganishga qaratilgan bo‘lib, 20 ta modul, testlar va amaliy keyslardan iborat. O‘quv jarayonini foydalanuvchi o‘ziga qulay vaqtda mustaqil davom ettirishi mumkin.
Eng muhimi, ushbu imkoniyat faqat davlat buyurtmachilari uchun emas. Tadbirkorlar, xaridlar bo‘yicha mutaxassislar hamda davlat xaridlari tizimini o‘rganishni istagan barcha foydalanuvchilar kursda bepul qatnashishi mumkin.
Kursni muvaffaqiyatli yakunlagan foydalanuvchiga 2 yil amal qiladigan elektron sertifikat taqdim etiladi.
🎓Davlat xaridlarini o‘rganishni istasangiz, siz ham bepul kursda qatnashishingiz mumkin.
edu.icppa.uz — bepul onlayn o‘quv platformasi
🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin
✈️ “Yangi Toshkent xalqaro aeroporti” loyihasiga mahalliy korxonalarni jalb etish bo‘yicha “Road Show” o‘tkazildi
Joriy yilning 3-oktabr kuni “Yangi Toshkent xalqaro aeroportini qurish” loyihasi doirasida mahalliy ishlab chiqaruvchilar, yetkazib beruvchilar va subpudratchilarni qurilish jarayonlariga keng jalb etishga qaratilgan “Road Show” tadbiri tashkil etildi.
Tadbir O‘zbekiston Respublikasi Transport vazirligi, Sanoat kooperatsiyasi va davlat xaridlari agentligi hamda “Larsen & Toubro” kompaniyasi hamkorligida o‘tkazildi.
Unda 120 dan ortiq mahalliy korxona vakillari ishtirok etib, ularga loyihaning texnik xususiyatlari, qurilish ishlari, xarid qilinishi rejalashtirilgan mahsulot va xizmatlar, shuningdek, pudrat ishlariga qo‘yiladigan talablar yuzasidan batafsil ma’lumot berildi.
Tadbir davomida mahalliy korxonalarning ishlab chiqarish quvvatlari va texnik imkoniyatlari muhokama qilinib, ularning takliflari tinglandi hamda loyiha doirasida istiqbolli kooperatsiya yo‘nalishlari ko‘rib chiqildi.
🏗 “Yangi Toshkent xalqaro aeroporti” Toshkent viloyatidagi 1 310 gektar maydonda barpo etilishi rejalashtirilgan. Loyihaning birinchi bosqichidagi qurilish ishlariga 2,7 milliard AQSH dollari miqdorida investitsiya yo‘naltirilishi ko‘zda tutilgan.
Dastlabki bosqichda aeroport yiliga 20 million yo‘lovchiga xizmat ko‘rsatish imkoniyatiga ega bo‘ladi. Keyingi bosqichlarda esa ushbu ko‘rsatkichni 46 million yo‘lovchigacha yetkazish rejalashtirilgan. Shuningdek, loyiha doirasida yuk terminali, havo harakatini boshqarish minorasi, MRO va keytering majmualari, zamonaviy navigatsiya va meteorologiya tizimlari barpo etiladi.
Mahalliy ishlab chiqaruvchilar va yetkazib beruvchilarni bunday yirik infratuzilma loyihalariga jalb etish mahalliy kontent ulushini oshirish, yangi kooperatsiya aloqalarini shakllantirish, zamonaviy texnologiyalarni o‘zlashtirish va yangi ishlab chiqarish quvvatlarini yaratish uchun muhim imkoniyat hisoblanadi.
🌍Veb-sayt 🔹Telegram 🔹Instagram 🔹Facebook
🇨🇳 Agentlik vakillari Xitoydagi xalqaro seminarni muvaffaqiyatli yakunladi
2026-yil 14–27-sentabr kunlari Sanoat kooperatsiyasi va davlat xaridlari agentligi vakillari Xitoy Xalq Respublikasida “Raqamli iqtisodiyot va nol uglerodli sanoat zonalarini hamkorlikda rivojlantirish” mavzusida tashkil etilgan xalqaro seminarda ishtirok etdi.
Seminar dasturi doirasida sanoat parklarini raqamlashtirish, sun’iy intellekt texnologiyalarini ishlab chiqarish jarayonlariga joriy etish, energiya samaradorligini oshirish, shuningdek, sanoat loyihalariga investitsiyalarni jalb etish bo‘yicha Xitoy tajribasi o‘rganildi.
Shuningdek, yuqori texnologiyali sanoat zonalari va innovatsion korxonalarga tashkil etilgan amaliy tashriflar davomida ilm-fan, ta’lim va ishlab chiqarish integratsiyasi, “yashil” texnologiyalarni joriy etish hamda xalqaro sanoat kooperatsiyasini kengaytirish mexanizmlari bilan yaqindan tanishildi.
Mazkur seminar doirasida o‘rganilgan ilg‘or tajriba va yondashuvlar mahalliy sanoat kooperatsiyasini rivojlantirish, ishlab chiqarish jarayonlariga zamonaviy texnologiyalarni keng joriy etish hamda sanoat korxonalarining samaradorligini oshirish nuqtayi nazaridan muhim ahamiyat kasb etadi.
🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin
Sanoat kooperatsiyasi va davlat xaridlari agentligi | ICPPA
Photo click to show
🏛️ HAFTALIK DAYJEST | 28 sentabr – 3 oktabr, 2026-yil
Hafta davomida Sanoat kooperatsiyasi va davlat xaridlari agentligi tomonidan quyidagi muhim tadbirlar amalga oshirildi:
🇨🇳Uxan va Shanxay shaharlarida Agentlik xodimlarining sun’iy intellekt va innovatsion texnologiyalar yo‘nalishidagi seminarlarda ishtirok etdi.
🇺🇿🇰🇷 Koreyada ilg‘or texnologiyalarni O‘zbekistonda mahalliylashtirish masalalari muhokama qilindi.
✔️ Jizzaxda “Milliy sanoat zanjiri” ko‘rgazmasining ochilish marosimi bo‘lib o‘tdi.
✔️Xalqaro savdoni rivojlantirishga qaratilgan hamkorlikning navbatdagi qadamlari muhokama qilindi.
🏛️ “Milliy sanoat zanjiri” ko‘rgazmasining birinchi kuni yakunlanlari bo’yicha lavha.
📋 Avtomobilsozlik sohasida mahalliylashtirish bo‘yicha mas’ul xodimlar ro‘yxati e’lon qilindi.
📝 “Milliy sanoat zanjiri”: hamkorlik memorandumlari imzolandi va eng yaxshi ishtirokchilar taqdirlandi.
🚘 “Sonet Prime” avtomobiliga mahalliy ishlab chiqarilgan tovar sertifikati topshirildi.
🇨🇳Xitoyda xalqaro o‘quv seminari yakunlandi.
✔️Navbatdagi xalqaro seminar o‘z yakuniga yetdi.
🇰🇷🇺🇿Koreya Respublikasidagi xizmat safari doirasida qator uchrashuvlar o‘tkazildi.
🏛️ Jizzaxdagi ko‘rgazma yangi sanoat aloqalariga yo‘l ochdi.
🇺🇿🇷🇺Rossiya bozoriga eksport imkoniyatlarini kengaytirish va elektron tijorat sohasida yangi hamkorlik.
✔️Davlat xaridlari bo‘yicha 400 dan ortiq foydalanuvchi sertifikat oldi.
✈️ “Yangi Toshkent xalqaro aeroporti” loyihasiga mahalliy korxonalarni jalb etish bo‘yicha “Road Show” o‘tkazildi.
🇨🇳 Agentlik vakillari Xitoydagi xalqaro seminarni muvaffaqiyatli yakunladi.
🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin