Discussions Center Mr. I M C26

Mmkn tshra7yh voice? Asl msh fahma El so2al dah ana kman awi

شكرا

ولا اتا

الحمد لله ومع نهاية آخر امتحان كدا تكون رحلة ثانوية عامة خلصت بحلوها ومرها سنة كاملة من التعب والضغط والمجهود والحرمان النهاردة السنة دي بتخلص وهتبدأوا بداية جديدة برحلة جديدة عشان توصلوا للي انتم عايزينه كلنا فخورين بتعبكم وانكم رغم صعوبة السنة عافرتوا فيها وعملتوا اللي عليكم على قد ما تقدروا واستحملتوا كم الضغط الكبير اللي حصل على مدار السنة وانتم كمان لازم تكونوا فخورين بحاجة زي دي وانكم قدرتوا تعملوا كدا اتمنى نكون كلنا ساعدناكم بأحسن شكل ممكن ووصنالكم المعلومة بشكل كويس وسهل وسهلنا عليكم السنة ونكون حاولنا نهون عليكم الضغط على قد ما نقدر ومتفكروش عشان الامتحانات خلصت يبقا خلاص مش هينفع تتواصلوا معانا لا احنا كلنا اخواتكم وإن شاء الله نساعدكم ونسمعكم في أي وقت 🥰 إن شاء الله كلكم تجيبوا المجاميع اللي نفسكم فيها وتدخلوا الكليات اللي تحبوها وتكونوا مبسوطين في حياتكم بس بردو خليكم فاكرين إن ثانوية عامة مش نهاية العالم ومحدش فينا يعرف الخير فين كلنا بنسعى ونتعب وربنا بيكتبلنا الخير بكرمه ورحمته وياما ناس كتير مكانش مكتوبلهم الحاجة اللي نفسهم فيها بس كان مكتوبلهم احسن منها ونجحوا نجاحات عمرهم ما كانوا يتخيلوها وكله كان بسبب كرم ربنا وإن الإنسان بيسعى ويتعب ويسيب الباقي على ربنا مش اكتر (وعسى أن تكرهوا شيئاً وهو خير لكم وعسى أن تحبوا شيئاً وهو شر لكم) انتم تعبتوا وعملتوا اللي عليكم والنتيجة دي بتاعت ربنا وإن شاء الله كل واحد تعب وسعى ربنا هيكون كاتبله الخير في حياته اتمنى إن التيم كله كان قد المسؤولية معاكم وحببناكم في المادة ونتمنى انكم تفتكرونا بدعوة حلوة ربنا يوفقكم في حياتكم وينولكم مرادكم انچوي الإجازة بقا ☝🏻

هتوحشونا والله

ألف مبروك يا جماعة الإفرااج 🥳 سنة طارت وخلصت بحلوها ومرها وأكيد استفدتوا منها كتير.. نقول الحمدلله على كل حاجة حصلت فيها حتى لو في منكم زعلان وكان متوقع أحسن، فيفتكر إن الامتحانات التقيلة كانت تقيلة على الكل، فإن شاء الله ده يتراعى.. وربنا يارب يراضيكم بالنتيجة ويجبركم، واتأكدوا إن ربنا كاتبلكم الخير في أي مكان هتروحوه (بجد مش كلام كليشية).. وعايزة أقولكم حاجة بجد إن انتوا اللي بتعملوا من نفسكم قيمة في أي مكان تدخلوه، مش المكان هو اللي بيعملكم قيمة.. فافتكروا ده كويس عشان هيفرق معاكوا قدام.. وحاولوا تبقوا أحسن حاجة في أي مكان ربنا هيحطكم فيه (وكلامي مش في الكلية بس) كمان تطوروا من نفسكم جمبها لأن جديا الكليات مش آخر الدنيا خالص والله وكتير سمعنا عن ناس نجحوا نجاحات كبيرة، بس عشان اشتغلوا على نفسهم بعيدا عن الكلية.. وبس كدا يا مؤمن ويارب نسمع عنكم كل خير دايمًا❤️

في المقالي لو جبت moment about 2 points و قولت انهم بيساوا بعض كدا كفاية انه يثبت ان ال system equivalent to a couple

لو فيه أي حد دور تاني Math أو Statistics، أو حتى حد من صحابكم، ومحتاج Materials يذاكر منها عشان ميبقاش مشتت، يملأ الفورم ده، وإن شاء الله هنبعتله كل اللي يساعده في المذاكرة. 📝 https://forms.gle/mcLN8hL2CHgd3kuWA وبإذن الله هيكون فيه حصص في السنتر*l من التيم لمراجعة أهم الأجزاء والاستعداد للامتحان، فاملوا الفورم حتى لو حد من صحابكم مكانش معانا، عادي جدًا ابعتوله الفورم وخليه يسجل. وربنا يوفقكم جميعًا ويكرمكم، وإن شاء الله تعدي الفترة دي على خير. ❤️