کۆڕی تاوتوێی بابەتەکان

🟩 وڵامی پرسیاری مامۆستایەک👇 جیاوازی چییە لەنێوان چاوگی (نوواندن، نواندن)؟ 1️⃣ نوواندن، چاوگێکی تێپەڕە، لە چاوگی تێنەپەڕی (نووستن) وەرگیراوە. ڕەگ+پاشگر (نوو+اندن) نموونە: بەزۆر خۆم دەنووێنم. یان منداڵەکەم نوواند. 2️⃣ نواندن... یانی تەمسیلکردن، ئەم چاوگە خۆی تێپەڕە، تێنەپەڕی نییە. نموونە: کچەکە خۆی دەنوێنێت. یان: پێویستە خۆم بنوێنم، هەتا وەرگیرێم. سەرئەنجام: دەرکەوت ئەم دوو چاوگە لە ڕووی واتا و پێکهاتەی ڕێزمانی زۆر جیاوازن، چاوگێکیان بە واتای نووستن دێت و چاوگێکیان بە واتای خۆدەرخستن و تەمسیلکردن دێت، وڵامێکیشە بۆ ئەوانەی باوەڕیان بە جووت(وو)نییە، ناکرێت هەردووکی وەکوو یەک بنووسین. سەرنجم دا کەس ئاماژەی پێ نەکردبوو، دوێنێشەو مامۆستایەک پرسیاری کرد، دەستخۆشیی لێ دەکەم. ئامادەکردنی: ئازاد هەولێری @Fergyrezmanikurdi63