ئەدەبی دین و دونیا

+جا خۆ تا ئەو 5 ساڵە ئەڕوات ئەبم بە 35 ساڵ.! -ئێ دڵە گیان، خۆ هەر ئەبی بە 35، ئەو 5 ساڵە هەر ئەڕوات، با ببیتە 35 ساڵێکی ئاڵتوون، خۆ هەر ئەبی، هەر کات ئەڕوات، با بیتە 35 ساڵێکی بەرز نەک نزم، خۆ هەر ئەبی.!!

"هەنێ جار پێویستت بەوەیە لەگەڵ ئەهلی عیلم دابنیشیت، سەیریان بکەیت، تاکو بزانی هیچیان لەتۆ زیاتر نییە، هیچ ماددەیەکی خامیان لەتۆ زیاتر لەبەردەست نییە، ئەبینی ئینسانێکی ئاساییە وەک تۆ پێدەکەنێ و قسەدەکات ولەگەڵ خەڵک دەژی، تەنها جیاوازییە بچوکەکە ئەوەیە هەنێ قوربانی داوە تۆ تا ئێستاش ئامادە نیت بیدەیت، هەنێ هەوڵی داوە تۆ تا ئێستاش قەرارت نەداوە بیدەیت، وە ئەم جیاوازییە بچووکە لەکۆتایدا ئەبێتە جیاوازیەکی گەورە، فتأمل"

"شتانێک هەیە پێیان ئەوترێ= خەونە بەدینەهاتووەکان، ئەو شتانەی موستەحیلە بێنە جێ. یەکێک لە خەونە بەدینەهاتووەکانی من ئەوەبوو، بمتوانیایە تەنها یەک دێڕ بدەم بەگوێی هەموو قسەکەر و مامۆستا و دکتۆر و بانگخوازێکدا، ئەو دێڕەش ئەوەبوو= تۆ ناتوانی ببیت بەهەموو شتێک بۆ هەمووان. بەداخەوە من هەر ئەوەنە 10 نەفەرم کۆکردەوە لەدەورم، یەکەم شت فێریان ئەکەم ئەوەیە من ئیمام و حاکمی بەڕ وبەحر و جن و ئینس و ئاگر و ئاوم. ئیدی واجبە خەڵکی هەموو دنیا و ئاخیرەت و علومی عەقڵی و نەقڵی لەچاوی منەوە ببینن +مامۆستا کەی تەفسیری تەبەڕی شەرح ئەکەیت؟ -برام بەخوا شایستەی نیم و باڵادەست نیم لە کتێبێکی ئاوا عەزیم،! +مامۆستا کەی ئەچینە سەر 12 علمەکەی لوغە؟ -کەسەکەم بڕوام پێ بکە لاوازترین زانست لای من زمانەوانییە و زۆر کڵۆڵم تێیدا. +مامۆستا ناسا و فیزیای کوانتەم فڵان ڕای هەیە، تۆ چیت هەیە لەسەری؟ -هیچم نییە. ئەزیزەکەم وەڵاهی من ناتوانم حاکم و ئیمامی هەمووعلومی کەون بم، ئەوەشی وا تۆی تێگەیاندووە خۆی وایە ڕاست ناکات، من ئەوپەڕی یەک(یان دوو) زانست بەوردی و ئیتقان بتوانم پێت بڵێم لەگەڵ+دوو و سێ وردە ئامۆژگاری عاممی ژیان، ئەمە کۆتا سنوری منە، چونکە هیچ ئینسانێ ناتوانێ هەموو شتێک بێت بۆت، هەزاران کایەی مەعریفی لە علومی شەرعی و دونیایی هەیە من لەچاو پسپۆڕەکانی نوکتەم، ئیتر بۆ خۆم ناشرین کەم و تۆش گەوج کەم بڵێم هەر هەمووی لەمن وەرگرە، هەر زانست و بوار و کارێک پیاوانێکی زۆر گەورەی هەیە، هیچ کەسیش کۆکەرەوەی هەموویان نییە، بۆیە ئەگەر بەس گوێ لەمن ئەگریت من یەکەم کەسم تەبەڕات لێ ئەکەم، بچۆ بۆلای خەڵکی تر، من هەموو شتێک نابم بۆت، ئەوەشی وا نیشانی ئەدات هەموو شتێکە بۆت، یاریت پێ ئەکات."

"لەعەجایبات و شتە خۆشەکانی دونیا ، جارێکیان مامۆستایەکی خۆشەویست هەبوو(من بەنهێنی بەینی خۆم و خۆیان، تەڵەبەکانم ئەنارد بۆلای فێربن.) ئەویش بەنهێنی ئەوانی فێردەکرد دوورکەونەوە لەمن، چونکە شەیتان و خراپەکارم(ابتسامة؛). جا ئێستاش هەر ڕێنوێنی تەڵەبە ئەکەم بۆلای، ئێ جا چییە با ئەو هەر وابکات، دوو لایکی دڵە سورەکە و دوو ڕەقەمی زیادە کەی هی ئەوەیە قەناعەت و جوامێری خۆتی بۆ بفەوتێنی، ئێستاش و ئەوساش قەناعەتم وایە، 3 بۆ 5 تەڵەبەی نەجیبم بەسە پێبگەن تەنها لەیەک عیلم کە لێی ئەزانم و ئەرکی من کۆتایی دێت، ئەم ڕەقەم زۆرییە فەیکە، خۆزگایە ئەکرا مەمبەر و ڕەقەم ببەخشرایە، ئیتر ئەم پەیجە 100 نەفەری تێدا دەبوو دایم، دنیا فشەیە و ئێمە قورس گرتوومانە."

"نرخ لە دەگمەنیدایە، هەتا دەگمەن بێت بەنرخترە، ئەمە قانونێکی جێگیری گشتی ژیانە، بۆ هەموو شتێک ئەتوانیت سوودی لێ ببینیت. -یاری و سکرۆڵ، هەمووان بەخۆشی و ئیسراحەت نایکەن؟ بەرەوەڵا. دەی نرخی نییە. -تەرکیز لەسەر کارێک و بوارێک و فێربوونێکی خودی بەچڕی بۆ ماوەی 5 ساڵ، چەن کەس ئەتوانن؟ زۆر کەم. زانیت و فێرکرایت، بچۆ شتێک لەعەمەلی لەسەر بنیاد بنێ."