ማታኒያ ቲዩብ

አረጋጊው መልአክ ቅዱስ ገብርኤል እንዲህ ነው ለሠለስቱ ደቂቅ በእሳት መካከል አብሯቸው የቆመ በእሳት እንዳይቃጠሉ እሳቱን ያበረደላቸው የሚረዳቸው ቅዱስገብርኤል ። ስሙ ድንቅ መካር ኃያል የሚባለውን ከድንቅ እናት የተወለደውን የድንቁን ሕጻን ወልደ እግዚአብሔርን ልደት እንዲያበሥር የተመረጠ ቅዱስገብርኤል ። ለዳንኤል ምሥጢር የተረጎመለት ሱባኤ የቆጠረለት የትንቢቱን ማኅተም ያሳወቀው ቅዱስ ገብርኤል ለሰማዕታት ጠል አውርዶ፣ እሳት አብርዶ፣ አንበሳ አሰግዶ፣ በዓላውያን ነገሥታት ፊት የሚረዳቸው ቅዱስገብርኤል ነው ። ቅዱስ ገብርኤል ሆይ ከፍፁም ጥፋት እንድን ዘንድ ክንፍህን ጋርድልን 🤲💚💛❤️

     ስሙ ገብርኤል ነው ከእሳት የሚያወጣ፤ ብስራትና ደስታን ለዓለም የሚያመጣ(፪) እንኳን ከነደደው ገና ከታሰበው፤ ያተርፋል ያድናል ፈጥኖ እእሚደርስ ነው(፪) ከትናንቱ ይልቅ ዛሬ እሚሳሳልኝ፤ በመንገዴ ቀድሞ ነገን ሚጠብቀኝ፤ አሊዝም ጋሻ ጦር አልሻም ወታደር፤ የገብርኤልን ስዕል እሰቅላለሁ ከበር። ገብርኤል ገብርኤል የቤታችን ዘውድ፤ የእናት አባቶቼ መመኪያ ዘመድ።  አ...ዝ...ማ...ች አራተኛ ሆኖ በእሳት ውስጥ ታያችሁ፤ እርሱ ገብርኤል ነው የሚታደጋቸው፤ ከሰው ጋር የሚቆም ለህዝብ የሚራራ፤ ይምጣ ለሀገራችን ከሚካኤል ጋራ ፤ ገብርኤል ገብርኤል ገብርኤል ለሚሉ፤ አበርቺ መልአክ ነው ስሙን ለሚጠሩ።   አ...ዝ...ማ...ች ከመላእክቱ አለም ከራማ ይመጣል፤ ሁሉን ወደመዳን ወደፅድቅ ይመራል፤ ኃያል ነው ገብርኤል የነገዶች መሪ፤ የጽናት ሰባኪ እምነት አስተማሪ። ገብርኤል ገብርኤል ኦ ልዑለ ራማ፤ ለተከዘችው ነፍስ ደስታን የሚያሰማ።             አ...ዝ...ማ...ች በጓዳ ነግሬው በአደባባይ ረዳኝ፤ በሰዎች መካከል ምስክር አረገኝ፤ በምን ፍጥነት አየኝ ኧረ እንዴት ደረሰ፤ ወላፈን ሳይነካኝ እንባዬን አበሰ፤ ገብርኤል ገብርኤል ፀዋሪ ምሕረት፤ ከአደጋ ሚጋርድ ሚመራ ከፊት።