M.O.R East Addis Ababa Branch

የ2019 በጀት ዓመት የጥቅምት ወር ዕቅድ ማስፈጸሚያ ድርጊት መርሃ ግብር ላይ ውይይት ተካሄደ ጥቅምት 5/2019 ዓ.ም. — በገቢዎች ሚኒስቴር የምስራቅ አዲስ አበባ አነስተኛ ግብር ከፋዮች ቅርንጫፍ ጽሕፈት ቤት የምስራቅ አዲስ አበባ አነስተኛ ግብር ከፋዮች ቅርንጫፍ ጽሕፈት ቤት የ2019 በጀት ዓመት የጥቅምት ወር ገቢን እና የአገልግሎት አሰጣጡን በማቀናጀት፣ በተናበበ ሁኔታ በብቃት ለመሰብሰብ የሚያስችለውን የዕቅድ ማስፈጸሚያ ድርጊት መርሃ ግብር አዘጋጅቶ ከማኔጅመንቱ አባላት ጋር ውይይት አካሄደ። የውይይት መድረኩ የመሩት  የቅርንጫፍ ጽሕፈት ቤቱ ሥራ አስኪያጅ ወ/ሮ ወርቅዓለም ተሾመ፣ የመስከረም ወር እቅድ 121.14 በመቶ ስኬታማ መሆኑን ገልጸው፤ የየሩብ ዓመቱም አፈጻጸም ከዕቅድ በላይ እንዲሳካ ላደረጉት ግብር ከፋዮች፣ ለቅርንጫፍ ጽሕፈት ቤቱ ኃላፊዎች እና ሰራተኞች ምስጋናቸውን አቅርበዋል። ሥራ አስኪያጅዋ አያይዘውም የጥቅምት ወር የንግድ ትርፍ ማስታወቂያ ማጠናቀቂያ እና የክፍያ ወራት በመሆኑ የአገልግሎት ቅልጥፍና ከምጊዜውም በላይ እንደሚያስፈልግ አጽንኦት ሰጥተዋል። ተገልጋዩን በተገቢው ሁኔታ በማስተናገድ፣ ቅሬታን በመቀነስ እና ገቢውን ማሳካት የሚያስችል መርሃ ግብር መሆኑንም ጠቁመዋል።ለዚህም  እቅድ መሳካት  ኮሚቴ መዋቀሩን ገልጸዋል    ለዕቅዱ መሳካት አጋዥ የሆኑ አበይት ሁኔታዎች መኖራቸውን የጠቀሱት ሥራ አስኪያጅዋ፤ አዲሱ የተሻሻለው የገቢ ግብር አዋጅ (አዋጅ ቁጥር 1395/2017)፣ የፌደራል ታክስ አስተዳደር አዋጅ (አዋጅ ቁጥር 1434/2018) እንዲሁም አዋጆቹን ተከትሎ የወጡ መመሪያዎችና ደንቦች ለገቢ አሰባሰቡ ከፍተኛ አስተዋጽኦ እንደሚያበረክቱ አስገንዝበዋል። በመሆኑም የሚከናወኑ ማናቸውም ተግባራት አዋጆቹንና መመሪያዎችን ጥብቅ ክትትል በማድረግ መፈጸማቸውን ማረጋገጥ እንደሚገባ አሳስበዋል። የቅርንጫፍ ጽሕፈት ቤቱ ም/ሥራ አስኪያጆች : የማኔጅመንት አባላትና የተመረጡ ኮሚቴዎች ዕቅዱን በብቃት ለመፈጸም እና ተገቢውን የግብር ከፋይ መስተንግዶ ለማከናውን ያላቸውን ቁርጠኝነት እና ተነሳሽነት ገልጸዋል።