Найнаво жоме масжид | Расмий канал

ЭСЛАТМА: Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи васалламдан: «Инсонларни жаннатга кўп киргизадиган амал қайси?» деб сўралганида, у зот: «Аллоҳга қилинган тақво ва ҳусну хулқ», дедилар. Ва яна у зотдан: «Инсонларни дўзахга кўп киргизадиган амал қайси?» деб сўралганида, у зот: «Оғиз ва жинсий аъзолар (орқали қилинган гуноҳ)», деб айтдилар. (Имом Термизий ривоят қилиб, ҳасан, саҳиҳ ҳадис, дедилар). Фойда: Тақволи ва чиройли хулқли бўлишга тарғиб. Ҳамда куфр, ёлғон ва зинодан огоҳлантириш. Бу ҳадисда тақво билан чиройли хулқнинг ораси жамланди. Чунки тақво, инсон билан Раббиси орасини ислоҳ қилади. Чиройли хулқ эса, инсон билан бошқа инсонлар орасини ислоҳ қилади. Ва яна оғиз билан жинсий аъзоларининг ораси жамланди. Чунки, оғиздан куфр калимаси, ғийбат ва чақимчилик каби фаҳш сўзлар содир бўлади. Жинсий аъзодан эса, зино содир бўлади. Бу икки аъзо сақланмаса, ҳар турлик балоларга сабаб бўлиб, дўзах томон олиб бориши мумкин.

РАСУЛAЛЛОҲ СОЛЛАЛЛОХУ АЛАЙХИ ВАСАЛЛАМ СУННАТЛАРИГА КЎРА ТАОМЛАНИШ ВА ИЧИШНИНГ ЎН ҚОИДАСИ Биз кунига бир неча марта овқатланамиз. Агарда биз буни расулуллоҳ соллаллоҳу алайҳи васалламнинг суннатига мувофиқ амалга оширсак, кундалик бу жараён бизга энг кўп мукофот келтириши ҳам мумкин. Шундай экан, таомланиш савобли иш бўлиши учун Пайғамбаримизнинг қайси қоидаларига амал қилиш лозим? 1. Таомдан олдин ва кейин қўлларни ювиш (Абу Довуд) 2. Ўтирган ҳолда таомланиш (Бухорий) 3. Учта ҳолатдан бирида ўтириш: - Намоздаги ташаҳҳудни ўқиш вақтидаги ҳолда ўтириш (Фатҳул бари) - Намоздаги ташаҳҳудни ўқиш вақтидаги сингари ўнг оёқни буккан ҳолда ўтириш (тизза тепага қараган) (ўша ерда; Таҳриж ал-иҳя) - Чўкка тушиб ўтирган ҳолда (Муслим) 4. Уч бармоқ билан чимдиб ейиш (ўрта, кўрсаткич ва бош бармоқлар) (Муслим) 5. Таомланишдан олдин Аллоҳ таолонинг исмини айтиш (Бухорий) 6. Ўнг қўлда тановул қилиш (Бухорий) 7. Таомни устидан эмас, бир четидан ейиш (Бухорий) 8. Имкон қадар ҳамманинг бир идишдан овқат ейиши (Ибн Касир, 24 сура, 61 оят; Ибн Можа). 9. Идишни овқатланиб бўлгач яхшилаб тозалаб қўйиш ва қўлни ювишдан олдин бармоқларни ялаб қўйиш (Муслим) 10. Таомдан кейин дуо қилиш. Улардан бири: «Алҳамду лиллахиллази атъамана ва сақоана ва жаалана минал-муслимин» (Барча ҳамд бизга таом ва ичимлик берган ва бизни мусулмонлардан қилган Аллоҳ таологадир) (Абу Довуд). Ичишга доир суннатлар: 1. Ўтирган ҳолда ичиш (Бухорий, Муслим). Замзам ва таҳоратдан қолган сувга тааллуқли эмас. 2. Идишни ўнг қўлда ушлаган ҳолда ичиш (Бухорий, Муслим). 3. Уч хўплаб ичиш (ёки кўпроқ, хўпламлар сони тоқ бўлсин) (Бухорий, Муслим). 4. Ичишдан олдин “Бисмиллаҳ” дейиш (Бухорий). 5. Ичиб бўлгач “Алҳамдулиллаҳ” дейиш (Термизий) 6. Агар бир идишдан бир нечта киши ичаётган бўлса, ўнг тарафдагисига узатиш (Бухорий; Муслим). 7. Ичимликни (ёки таомни) таклиф қилган кишининг ўзи охирида ичади (Термизий). 8. Ичиб бўлгач, қуйидаги дуони айтиш лозим: “Алҳамдулиллаҳил-лазий атъама ва сақо ва саввағоҳ

#ЭСЛАТМА РОСУЛУЛЛОҲ ﷺ УЙДА Абу Саъид Худрий розияллоҳу анҳу ривоят қиладилар: - “Расулуллоҳ соллаллоҳу алайҳи ва саллам туяга ем берардилар, уйни тозалардилар, пойафзални тикар, кийимни ямардилар. Қўйни соғар, хизматкор билан овқатланардилар, агар қийналса бирга хамир қорардилар. Бозордан олган бозорликларини уйларига ўзлари кўтариб келишдан ҳаё қилмасдилар. Бой ва камбағал билан қўл бериб сўрашар ва саломни биринчи бўлиб берардилар. Чақирган жойга писандсиз бўлмас, агар ёмон хурмо қўйса ҳам борардилар. Енгил ҳаражат, мулойим хулқли, гўзал табиат ва ҳусни муошаратли эдилар. Очиқ юзли, кулмай табассумли, хўмраймай маҳзун, хорланмай тавозуъли ва исрофсиз саховатли эдилар. Қалби нозик ва ҳамма мусулмонга раҳмдил бўлганлар. Тўйгандан ҳеч кекирмаганлар. Тамаъ туфайли асло қўлларини чўзмаганлар”. (“Рисолатул-қушайрийя”)

Ёд_олиш_учун МУХТАСАР СИЙРАТ Набий соллаллоҳу алайҳи васаллам ўн бир марта никоҳ қилдилар. У шарафли аёлларнинг номлари қуйдагилар. Уларни Азвожи-Мутоҳҳарот ёки Уммаҳотул Мўъминийн розияллоҳу анҳунна дейилади. 1. Ҳазрати Хадийжа бинти Хувайлид розияллоҳу анҳо. • Турмуш ҳолати: Бева. • Никоҳ вақтидаги ёши: Қирқ ёш. • Ривоят қилган ҳадислари: Йўқ. 2. Ҳазрати Савда бинти Замъа розияллоҳу анҳо. • Турмуш ҳолати: Бева. • Никоҳ вақтидаги ёши: Эллик ёш. • Ривоят қилган ҳадислари: 5 та. 3. Ҳазрати Оиша бинти Абу Бакр розияллоҳу анҳо. • Турмуш ҳолати: Бокира. • Никоҳ вақтидаги ёши: Олти/Тўққиз ёш. • Ривоят қилган ҳадислари: 2210 та. 4. Ҳазрати Ҳафса бинти Умар розияллоҳу анҳо. • Турмуш ҳолати: Бева. • Никоҳ вақтидаги ёши: Йигирма икки ёш. • Ривоят қилган ҳадислари: 60 та. 5. Ҳазрати Зайнаб бинти Хузайма розияллоҳу анҳо. • Турмуш ҳолати: Бева. • Никоҳ вақтидаги ёши: Ўттиз ёш. • Ривоят қилган ҳадислари: Йўқ. 6. Ҳазрати Умму Салама (Ҳинд) бинти Абу Умайя. • Турмуш ҳолати: Бева. • Никоҳ вақтидаги ёши: Йигирма олти ёш. • Ривоят қилган ҳадислари: 378 та. 7. Ҳазрати Зайнаб бинти Жаҳш розияллоҳу анҳо. • Турмуш ҳолати: Талоқ қилинган. • Никоҳ вақтидаги ёши: Ўттиз олти ёш. • Ривоят қилган ҳадислари: Йўқ. 8. Ҳазрати Жувайрия бинти Ҳорис розияллоҳу анҳо. • Турмуш ҳолати: Асирликдан озод қилинган. • Никоҳ вақтидаги ёши: Йигирма ёш. • Ривоят қилган ҳадислари: 8 та. 9. Ҳазрати Сафийя бинти Ҳуяй розияллоҳу анҳо. • Турмуш ҳолати: Асирликдан озод қилинган. • Никоҳ вақтидаги ёши: Ўн етти ёш. • Ривоят қилган ҳадислари: 10 та. 10. Ҳазрати Умму Ҳабиба (Рамла) бинти Абу Суфён розияллоҳу анҳо. • Турмуш ҳолати: Бева. • Никоҳ вақтидаги ёши: Ўттиз олти ёш. • Ривоят қилган ҳадислари: 65 та. 11. Ҳазрати Маймуна бинти Ҳорис розияллоҳу анҳо. • Турмуш ҳолати: Талоқ қилинган. • Никоҳ вақтидаги ёши: Ўттиз олти ёш. • Ривоят қилган ҳадислари: 76 та. ❗️Муҳим ойдинлик: Набий соллаллоҳу алайҳи васалламнинг бу барча никоҳлари мусулмонлар учун аёлларнинг адади тўрттагача таъйин

Сабр ва сукут: Фарқи нимада?   Кўпинча биз сукут сақлаган инсонни сабрли деб ўйлаймиз. Аммо уларнинг орасида катта фарқ бор:   • Сукут – тилнинг жим туришидир. У чорасизликдан, аламдан ёки қўрқувдан туғилиши мумкин. У ички оғриқни даволамайди, фақат ичга ютади. • Сабр – қалбнинг тинчланишидир. У Раббига бўлган ишончдан ва тақдирга розиликдан туғилади. Унда исён эмас, умид ва дуо бўлади. • Сукут – ташқаридан тинч, аммо ич-ичидан ёнишдир. • Сабр – ҳам ташқи, ҳам ички дунё билан Аллоҳнинг ҳукмига таслим бўлишдир.   Ҳар қандай жим туриш сабр эмас. Аллоҳ биздан шунчаки тиш тишлаб сукут сақлашни эмас, балки Ўзига суяниб гўзал сабр қилишни сўраган.   “Бас, чиройли сабр қил” (Маориж сураси, 5-оят).   Аламли сукутларимиз гўзал сабрга айлансин.

ЭСЛАТМА «Аллоҳ сизларни оналарингиз қоринларидан бирор нарсани билмайдиган ҳолингизда чиқарди ва шукр қилишингиз учун сизларга қулоқлар, кўзлар ва қалбларни берди». (Наҳл сураси, 78-оят).

Отага эҳтиром 1. Ота уйга келганида фарзанд ўрнидан туриб, унга жой бўшатиши лозим. 2. Ота билан кетаётганда унинг изнисиз ундан олдин юрмаслик керак. 3. Ота фарзанд учун бирон нарса мерос қолдирмаса ҳам, ундан номус қилинмайди. 4. Ота бор уйда ўйланишга ва маслаҳат солишга эҳтиёж йўқ. 5. Ота ёнида ёки у кириб келганда ёнбошлаб ётилмайди. 6. Ота уйда йўқ бўлмаганида истеъмол қилинган нарсалардан алоҳида унинг учун олиб қўйилиши фазилатдир. 7. Мансабдор бўлсангиз ҳам, отангиз чақирганда дарҳол унинг буйруғига ҳозир туринг. 8. Отангизнинг ёнидаги солиҳ кишиларга нисбатан самимий бўлинг. Агар отангиз вафот этса, ўшалар билан муомала-муносабатларингизни узманг!