News Of Myanmar

ရန်ကုန် -မန္တလေးအမြန်လမ်းတွင် အုပ်စုလိုက် သတ်မှတ်ကီလိုထက်များစွာ ​ကျော်လွန်၍ အရှိန်ပြင်းစွာ​ မောင်းနှင်​နေသည့် ခရီးသည်တင်ယာဉ် Express များအားအရေးယူ NOM အောက်တိုဘာ ၅၊ ၂၀၂၆ ရန်ကုန် -မန္တလေးအမြန်လမ်းတွင် ယမန်နေ့အောက်တိုဘာ ၄ ရက်ညနေ ၅ နာရီ ၁၀ မိနစ်ခန့်တွင် ခရီးသည်တင်ယာဉ် Express ကားသုံးစီးသည် အုပ်စုလိုက်သတ်မှတ် ကီလိုထက်များစွာ​ ကျော်လွန်၍ အရှိန်ပြင်းစွာ​မောင်းနှင်​နေသည်ကို ​တွေ့ရှိရသဖြင့် အမြန်လမ်းမကြီးဥပဒေအရအရေးယူ ဆောင်ရွက်ခဲ့သည်ဟု အမြန်လမ်းမကြီး ထိန်းသိမ်းပြုပြင်ရေးနှင့် ကြီးကြပ်ရေးအဖွဲ့မှသတင်းထုတ်ပြန်ထားသည်။ ဖြစ်စဉ်မှာ ရန်ကုန် -မန္တလေးအမြန်လမ်း မိုင်တိုင် ၁၄၀/၀ မှ ၁၅၈/၀ အကြား၊ ရန်ကုန်မှ မန္တလေးသို့သွားနေသည့် ယာဉ်မောင်း နေမျိုးလင်း မောင်းနှင်သည့် 5P/1802 YUTONG အမျိုးအစား ရွှေပြည်ဟိန်း ခရီးသည်တင်ယာဉ် Express ၊ ယာဉ်မောင်း သိန်းမြင့် မောင်းနှင်သည့် 9N/7285 YUTONG အမျိုးအစား မိုးသောက် ရောင်နီ ခရီးသည်တင်ယာဉ် Express နှင့် ယာဉ်မောင်း အောင်ဇော်လင်း ​မောင်းနှင်သည့် 2K/2041 YUTONG အမျိုးအစား ရွှေပြည်ဟိန်း ခရီးသည်တင်ယာဉ် Express ယာဉ်တို့သည် အုပ်စုလိုက် သတ်မှတ် 90 km/h ထက်များစွာ​ကျော်လွန်၍အရှိန်ပြင်းစွာ​မောင်းနှင်​ခဲ့ကြောင်းသိရသည်။ ထိုကဲ့သို့ ရန်ကုန် -မန္တလေးအမြန်လမ်းတွင် အုပ်စုလိုက် သတ်မှတ် 90 km/h ထက်များစွာ​ကျော်လွန်၍အရှိန်ပြင်းစွာ​မောင်းနှင်​ခဲ့သည့် ခရီးသည်တင်ယာဉ် Express သုံးစီး၏ ယာဉ်မောင်းများကို အမြန်လမ်းမကြီး ဥပဒေအရ အရေးယူဆောင်ရွက်ခဲ့ကြောင်းသိရသည်။

စစ်ကိုင်းမြို့နယ်၊ မုံရွာ-မန္တလေးကားလမ်းတွင် ယာဉ်တိုက်မှုဖြစ်ပွား လူ၁၀ ဦးသေဆုံး NOM၊အောက်တိုဘာ၅၊၂၀၂၆ စစ်ကိုင်းတိုင်းဒေသကြီး၊ စစ်ကိုင်းမြို့နယ်၊ မုံရွာ-မန္တလေးကားလမ်းတွင်ယနေ့အောက်တိုဘာ၅ရကါနံနက် ၁၀နာရီ၄၀မိနစ်က ယာဉ်နှစ်စီးတိုက်မီခဲ့ရာ လူ၁၀ဦးသေဆုံးခဲ့ပြီးအမျိုးသမီးသုံးဦးဒဏ်ရာရရှိခဲ့သည့်ဟု မီးသတ်တပ်ဖွဲ့မှသိရသည်။ ဖြစ်စဉ်မှာ စစ်ကိုင်းမြို့နယ် ကျောက်ဆည်ကျေးရွာနှင့် ကုန်းကျေးရွာအနီး မုံရွာ-မန္တလေးကားလမ်းတွင် မြှောင်းဘက်မှလာသည့်ဟိုက်ဂျက် ကားသည်အရှိန်မထိန်းနိုင်ဘဲ တစ် ဖက်ယာဉ်ကြောမှမောင်းနှင်းလာသည် ၆ဘီးဘိလပ်မြေကားနှင့် မျက်နာခြင်းဆိုင် ဝင်တိုက်ခဲ့ကြောင်းသိရသည်။ "ဟိုက်ဂျက်ကားပေါ်မှာယာဉ်မောင်းအပါခရီးသည် ၁၃ဦးလိုက်ပါလာပါတယ် ယာဉ်တိုက်မှုကြောင်း အဲဒီကားပေါ်ကသေဆုံးသူအမျိုးသားနှစ်ဦးနှင့် အမျိုးသမီးရှစ်ဦးတို့သေဆုံးခဲ့ပါတယ် အမျိုးသမီးသုံးဦးဒဏ်ရာရရှိပါတယ် သူတို့ကမြောင်ဘက်ကနေ ကိစွတစ်ခုနဲ့လာကြတယ် ဆိုတာဘဲသိရပါတယ်"ဟု ထုံးဘိုအရန်မီးသတ်စခန်းမှတာဝန်ရှိသူတစ်ဦး ကပြောသည်။ အဆိုပါ ယာဉ်တိုက်မှုကြောင့် သေဆုံးသူအမျိုးသားနှစ်ဦးနှင့်အမျိုးသမီးရှစ်ဦးတို့နှင့် ဒဏ်ရာရရှိသူ အမျိုးသမီးသုံးဦးတို့အား လူမှုကူညီရေးအသင်ယာဉ်များဖြင့် စစ်ကိုင်းကုတင်(၃၀၀)ပြည်သူဆေးရုံသို့ ကူညီပို့ဆောင်ပေးခဲ့ကြောင်းသိရသည်။

အကြမ်းဖက်အုပ်စုအဖြစ် ကြေညာထားသော CRPH၊ NUG နှင့် ၎င်းတို့၏ လက်ဝေခံများ၏ လှုံ့ဆော်၊ ဝါဒဖြန့်ခြင်းများအား လိုက်ပါလုပ်ဆောင်ခြင်း၊ အားပေးကူညီခြင်းများပြုလုပ်ခဲ့သူများအား ဖော်ထုတ်အရေးယူ NOM၊အောက်တိုဘာ ၅၊၂၀၂၆ အကြမ်းဖက်အုပ်စုအဖြစ်ကြေညာထားသည့် CRPH၊ NUG နှင့် ယင်းတို့၏ လက်ဝေခံ အဖွဲ့အစည်းများ၊ ယင်းတို့နှင့်ဆက်နွှယ်နေသော အဖွဲ့အစည်းများ၊ လူပုဂ္ဂိုလ်များသည်နိုင်ငံတော် တည်ငြိမ်အေးချမ်းရေးကို ပျက်ပြားစေရန်နှင့်အစိုးရယန္တရားများ ပျက်ပြားစေရန် ရည်ရွယ်လျက် လှုံ့ဆော်ခြင်း၊ ဝါဒဖြန့်ခြင်းများပြုလုပ်ခဲ့မှုအပေါ် ဥပဒေနှင့်အညီ ထိရောက်စွာ အရေးယူသွားမည် ဖြစ်ကြောင်းနှင့် ထိုသို့ လှုံ့ဆော်သူ၊ ဝါဒဖြန့်သူများအား ဆက်လက်ဖော်ထုတ်အရေးယူသွားမည်ဖြစ် ကြောင်း မိဘပြည်သူများ သိရှိနိုင်ရေး အသိပေးသတင်းထုတ်ပြန်ပြီးဖြစ်သည်။ ထိုကဲ့သို့ သတင်းထုတ်ပြန်ခဲ့ပြီးဖြစ်သော်လည်း ၂၀၂၆ ခုနှစ်၊ အောက်တိုဘာလ ၄ ရက်နေ့ တွင် အသိပေးထုတ်ပြန်ချက်အပေါ် မျက်ကွယ်ပြု၍ နိုင်ငံတော်တည်ငြိမ်အေးချမ်းရေးကို ပျက်ပြား စေရန် ရည်ရွယ်ကာ လူမှုကွန်ရက်စာမျက်နှာပေါ်၌ လှုံ့ဆော်ခြင်း၊ ဝါဒဖြန့်ခြင်းများပြုမူလုပ်ဆောင်ခဲ့ သည့် “Victoria Kyaw Naing” Facebook အကောင့်ပိုင်ရှင်ဖြစ်သူရန်ကုန်တိုင်းဒေသကြီး၊ တာမွေ မြို့နယ်၊ အရိုးကုန်းရပ်ကွက်နေ အောင်ခင်ဆင့်(ခ)ကျော်နိုင်အား မွန်းလွဲ ၂ နာရီ ၄၅ မိနစ်တွင် တာမွေမြို့မရဲစခန်း၌ တရားဥပဒေနှင့်အညီ ဖမ်းဆီးထိန်းသိမ်းအမှုဖွင့်လှစ်အရေးယူဆောင်ရွက် ခဲ့ကြောင်း သတင်းရရှိသည်။

ပဲခူးတိုင်းဒေသကြီး၊ ဖြူးမြို့နယ်၌ KNU အကြမ်းဖက်အဖွဲ့နှင့် PDF အမည်ခံ အကြမ်းဖက်သမားများ ပူးပေါင်းအဖွဲ့ကသေနတ်ဖြင့် ဝိုင်းဝန်းပစ်ခတ်ခဲ့မှုကြောင့် အပြစ်မဲ့ ခရီးသွားပြည်သူလေးဦး ထိခိုက်ဒဏ်ရာရရှိ NOM၊ အောက်တိုဘာ ၅၊၂၀၂၆ အကြမ်းဖက်အဖွဲ့များဖြစ်သော CRPH နှင့် NUG တို့သည်နိုင်ငံတော်ကြီး အလုံးစုံပျက်သုဉ်း ရေးဦးတည်ချက်များဖြင့်PDF အမည်ခံ အကြမ်းဖက်အဖွဲ့များကို ဖွဲ့စည်း၍ အချို့သောဒေသများ တွင် မြို့/ရွာများအတွင်း ဝင်ရောက်ကာ တိုက်ပွဲဖော်ဆောင်ခြင်း၊ အကြမ်းဖက်ပစ်ခတ်တိုက်ခိုက် ခြင်းနှင့်အစိုးရဝန်ထမ်းများ၊ သာသနာ့အကျိုးသယ်ပိုးထမ်းဆောင်လျက်ရှိသော ရဟန်းသံဃာများ၊ အေးချမ်းစွာ နေထိုင်လျက်ရှိသော အပြစ်မဲ့ ဒေသခံပြည်သူများအား ခေါင်းစဉ်အမျိုးမျိုးတပ်၍ ဖမ်းဆီးနှိပ်စက်သတ်ဖြတ်ခြင်းများလုပ်ဆောင်လျက်ရှိသည်။ ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊အောက်တိုဘာလ ၄ ရက်နေ့ နံနက် ၇ နာရီခွဲ တွင် ပဲခူးတိုင်းဒေသကြီး၊ ဖြူးမြို့နယ်ပြည်သူ့ဆေးရုံ၌ ကျည်ထိမှန်ဒဏ်ရာများဖြင့် အမျိုးသားနှစ်ဦး နှင့် အမျိုးသမီးနှစ်ဦးတို့ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက် စစ်ဆေး၍ ဖြစ်စဉ်အား စိစစ်ခဲ့ရာ နံနက် ၆ နာရီ ၄၀ မိနစ်တွင် ဖြူးမြို့နယ်၊ ဝဲကြီးမြောက်ကမ်း ကျေးရွာနေသူများဖြစ်ကြသည့် ဦးဖုန်းမြင့်မောင်(၄၆)နှစ်၊ ဦးသိန်းဇော်(၅၃)နှစ်၊ ဒေါ်ငုဝါခိုင်(၄၈)နှစ် နှင့် မရတနာသိမ့်(၂၂)နှစ်တို့သည် ဝဲကြီးမြောက်ကမ်းကျေးရွာမှ ဖြူးမြို့သို့ မော်တော်ယာဉ်တစ်စီး ဖြင့် ထွက်ခွာလာစဉ် ဝဲကြီးမြောက်ကမ်းကျေးရွာ၏ အနောက်တောင်ဘက် ၁ မိုင်ခန့်အကွာဇောင်းလျားခုံကျေးရွာအနီးအရောက် KNU အကြမ်းဖက်အဖွဲ့နှင့် PDF အမည်ခံ အကြမ်းဖက်သမား များ ပူးပေါင်းအဖွဲ့က လက်နက်ငယ်များဖြင့် ဝိုင်းဝန်းပစ်ခတ်တိုက်ခိုက်ခဲ့သဖြင့် ၎င်းတို့လေးဦးတွင် ထိခိုက်ဒဏ်ရာများရရှိခဲ့ခြင်းဖြစ်ကြောင်း သိရသည်။ အထက်ပါဖြစ်စဉ်တွင် လက်နက်ကိုင်အကြမ်းဖက်သမားများသည် ပြည်သူလူထုအကြား အကြောက်တရားလွှမ်းမိုးစေရန် ရည်ရွယ်၍ အပြစ်မဲ့ အရပ်သားပြည်သူများအား ဆင်ခြင်တုံတရား ကင်းမဲ့စွာ သေနတ်ဖြင့် ပစ်ခတ်ခဲ့မှုအပေါ် ဒေသခံပြည်သူများက ကန့်ကွက်ရှုတ်ချလျက်ရှိကြောင်း နှင့်လုံခြုံရေးတပ်ဖွဲ့ဝင်များအနေဖြင့်လည်း ဒေသခံပြည်သူများနှင့် ပူးပေါင်း၍ PDF အမည်ခံ အကြမ်းဖက်သမားများအား အမြန်ဆုံးဖမ်းဆီးဖော်ထုတ်ရမိရေး လုံခြုံရေးလုပ်ငန်းစဉ်များကိုတိုးမြှင့် ဆောင်ရွက်လျက်ရှိကြောင်း သတင်းရရှိသည်။

မကွေးတိုင်းဒေသကြီး၊ ပွင့်ဖြူမြို့နယ်၌ PDF အမည်ခံအကြမ်းဖက်အဖွဲ့က ကျေးရွာခွဲတာဝန်ခံတစ်ဦးနှင့် ရာအိမ်မှူးတစ်ဦးတို့အား အကြမ်းဖက်ခြိမ်းခြောက်၍ ဖမ်းဆီးခေါ်ဆောင် NOM၊အောက်တိုဘာ ၅၊၂၀၂၆ လက်နက်ကိုင်အကြမ်းဖက်အဖွဲ့များသည် တိုင်းဒေသကြီးနှင့် ပြည်နယ်များရှိ မြို့/ရွာများ အတွင်း တိုက်ပွဲများဖော်ဆောင်ခြင်း၊ လက်နက်ကြီးများဖြင့် အဝေးမှပစ်ခတ်ခြင်း၊Drone ဖြင့် Drop Bomb များပစ်ချတိုက်ခိုက်ခြင်း၊ လက်လုပ်ဗုံး/လက်လုပ်မိုင်းများဖြင့် မိုင်းထောင်ဖောက်ခွဲတိုက်ခိုက် ခြင်းများအား လုပ်ဆောင်လျက်ရှိသည့်အပြင် အုပ်ချုပ်ရေးပိုင်းဆိုင်ရာ တာဝန်ရှိသူများကိုပါ အကြမ်းဖက်ဖမ်းဆီး၍ခြိမ်းခြောက်ငွေတောင်းခံခြင်း၊ သတ်ဖြတ်ခြင်းများစသောလူသားချင်း မစာနာသည့် လူမဆန်သော အကြမ်းဖက်မှုများနှင့် ရာဇဝတ်မှုများအား ကျူးလွန်လုပ်ဆောင်လျက် ရှိပါသည်။ ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊အောက်တိုဘာလ ၄ ရက်နေ့ နံနက် ၆ နာရီ တွင် မကွေးတိုင်းဒေသကြီး၊ ပွင့်ဖြူမြို့နယ်၊ ဇေယျာမြိုင်ကျေးရွာနေ ကျေးရွာခွဲတာဝန်ခံဖြစ်သူ ဦးထွန်းလင်းအောင်(၄၄)နှစ်နှင့် ရာအိမ်မှူးဖြစ်သူ ဦးဇော်ဦး(၅၄)နှစ်တို့သည် ၎င်းတို့၏နေအိမ် အသီးသီး၌ ရှိနေစဉ် PDF အမည်ခံအကြမ်းဖက်အဖွဲ့ အင်အား ၁၀ ဦးခန့်ရောက်ရှိလာပြီးအကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွားခဲ့ကြောင်း သိရသည်။ အထက်ပါဖြစ်စဉ်မှ အုပ်ချုပ်ရေးပိုင်းဆိုင်ရာ တာဝန်ရှိသူများအား အကြမ်းဖက်ဖမ်းဆီး၍ ခြိမ်းခြောက်ငွေတောင်းခံခြင်း၊ သတ်ဖြတ်ခြင်းများစသော လူသားချင်းမစာနာသည့် လူမဆန်သော ရာဇဝတ်မှုများအား ကျူးလွန်လုပ်ဆောင်လျက်ရှိသည့် အကြမ်းဖက်သမားများအား ဖော်ထုတ်ဖမ်းဆီးအရေးယူနိုင်ရေးနှင့် ဖမ်းဆီးခံရသူများအား ပြန်လည်ကယ်တင်နိုင်ရေး လုံခြုံရေးတပ်ဖွဲ့ဝင်များက လုံခြုံရေးလုပ်ငန်းစဉ်များနှင့်အညီ ဆက်လက်ဆောင်ရွက်လျက်ရှိကြောင်း သတင်းရရှိသည်။