Shimal.News Chat

İsmayıllı rayonunun Heydər Əliyev adına İvanovka kənd tam orta məktəbi əsaslı təmirdən sonra növbəti tədris ilində yenidən şagirdlərin istifadəsinə veriləcək. 2025-ci ilin noyabrından davam edən əsaslı təmir işləri çərçivəsində məktəbin dam örtüyü, divarları, döşəmələri, elektrik və internet xətləri, qapı-pəncərələri tam yenilənib, idman zalı yenidən qurulub. Hazırda binada son tamamlama işləri aparılır. Məktəbin həyətində asfaltlanma, istilik sisteminin quraşdırılması, qazanxana və nasosxananın yenilənməsi istiqamətində işlər davam edir. Yenidən qurulan məktəbin ən diqqətçəkən yeniliklərindən biri isə beynəlxalq standartlara uyğun üzgüçülük hovuzu olacaq. İndiyədək istifadə olunmayan hovuzun yaxın bir ay ərzində tam hazır vəziyyətə gətirilməsi planlaşdırılır. Məktəbin direktoru Əfqan Soltanov bildirib ki, təmir müddətində dərslər kənddəki Ailə Sağlamlıq Mərkəzində təşkil olunub. Hazırda məktəbdə 321 şagird təhsil alır, onlardan ruslar, azərbaycanlılar, ləzgilər, kürdlər, tatlar, hapıtlar və ukraynalılar olmaqla 7 millətin nümayəndəsi təmsil olunur. Əsaslı təmirdən sonra məktəb 787 şagird qəbul etmək imkanına malik olacaq və yeni tədris ilindən burada üzgüçülük dərslərinin də təşkili nəzərdə tutulur. Mənbə: Muallim.edu.аz @shimalnews

🔴Balakəndə şəhər ərazisində əkilən bir neçə dekorativ ağac qəsdən yandırılıb.  Ərazidə xidmət aparan polis əməkdaşları tərəfindən yanğının ətraf əraziyə yayılmasının qarşısı alınıb. Görülən tədbirlərlə əməli törədən şəxslərin 3 yeniyetmə olduğu müəyyən edilib və onlar valideynləri ilə birlikdə ərazi üzrə polis orqanına dəvət olunublar. Yeniyetmələr barəsində qanunvericiliyə uyğun tədbir görülüb. Mənbə: Lentaz @shimalnews

‼️Xaçmazda qadının ağlasığmaz əməli: Gənc satıcıya psixoloji təsir etdi - İDDİA Xaçmazda mağaza sahibi alış-veriş edən qadının satıcını çaşdıraraq mağazadan pul və məhsulla çıxıb getdiyini iddia edir. Mağaza sahibinin sözlərinə görə, hadisə təxminən üç gün əvvəl Xaçmaz şəhəri, Bakı prospektində baş verib. İddiaya əsasən, qadın əvvəlcə satıcıya 100 manatlıq əsginas təqdim edib. Daha sonra pulun xırdası olduğunu deyərək vəsaiti geri alıb və 96 manat istəyib. Nəticədə satıcının fikri yayınıb. Beləliklə, mağaza sahibi qadının həm məhsulu, həm təqdim etdiyi 100 manatı, həm də əlavə 96 manat aldığını qeyd edib. O, həmin şəxsin müəyyən edilərək tapılmasına kömək göstərilməsini xahiş edib. Qeyd edək ki, məsələ ilə bağlı hüquq-mühafizə orqanlarına sorğu ünvanlanıb. Mənbə: Oxu.аz @shimalnews