သတင်းစုံ🦻🏼👀

ကျားသေကိုအသက်သွင်းမိခဲ့တဲ့အမှား ကျားသေကို အသက်မသွင်းသင့်တော့ဘူးလို့ ကျွန်တော်ရေးတဲ့အခါ အချို့လည်းထွန့်ထွန့်လူး နာကြတယ်။ ဒီပုံကို ကြည့်ပါဦး(အုံး)။ နိုင်ငံရေးအပြောင်းအလဲ ဖြစ်ပြီးနောက်ပိုင်း ဘာလက်နက်မှ မရှိတဲ့ USDP ပါတီဝင်ပေါင်း ရာကျော် ထောင်ကျော် အသ-တ်ခံခဲ့ရတာကို ကမ္ပည်းထိုး မှတ်တမ်းတင်ထားတာ။ ဘယ်လောက် ကြေကွဲ နာကျင်စရာ ကောင်းလိုက်သလဲ။ တစ်ချိန်က NLD တွေဂုဏ်ယူပြီး စိန်ခေါ် ပြောနေကြစကားတစ်ခု ရှိတယ်။ မင်းတို့ ထောင်အကျခံပြီး နိုင်ငံရေး လုပ်ဖူး လို့လားဆိုတဲ့ စကားပါ။ အခုတော့ ပြည်ခိုင်ဖြိုး က ပြန်ပြောလိမ့်မယ်၊ မင်းတို့အသက်တွေ ထောင်ပေါင်းများစွာအသေ ခံပြီး နိုင်ငံရေး လုပ်ခဲ့ရဲ့လားလို့။ အညာဘက်က ရွာတစ်ရွာမှာဆိုရင် USDP ပါတီဝင် ညီအမ နှစ်ယောက် အုပ်စုဖွဲ့ပြီး တစ်ညလုံး မုဒိန်းကျင့်ကာ မနက်မှ သ-တ် ပစ်လိုက်တဲ့ ဖြစ်စဥ်တွေလည်း ရှိခဲ့တယ်။ ဒါတောင် လူတွေသိတဲ့ ဖြစ်စဥ်ပဲရှိသေးလို့ လူတွေမသိဘဲ ရက်ရက်စက်စက် အသ-တ် ခံခဲ့ရတဲ့ ပြည်ခိုင်ဖြိုးပါတီဝင်တွေ ဘယ်လောက် တောင် ရှိခဲ့သလဲ ဆိုတာ မရေတွက်နိုင်သေး ပါဘူး။ အခုခါမှာ အသက်တွေ သွေးတွေနဲ့ ခက်ခက် ခဲခဲ တည်ဆောင်ခဲ့ရတဲ့ ဒီမိုကရေစီစနစ် က ရုပ်လုံးပေါ်လာခဲ့လေပြီ။ ဒီလို အခြေအနေမျိုးမှာမှ လူသတ် မုဒိန်းကျင့် ခဲ့ပြီး အကြမ်းပတမ်းနိုင်ငံရေးလုပ်ခဲ့တဲ့ ပါတီ ကို နိုင်ငံရေးစည်းဝိုင်းထဲ ပြန်သွင်းဖို့ ဆိုတာ ဖြစ်နိုင် မဖြစ်နိုင် စဥ်းစားဖို့ လိုပါတယ်။ ကျွန်တော် မ​ကြာခဏ ပြောဖူးပါတယ်။ ဦးသိန်းစိန် ဦးဆောင်တဲ့ USDP အစိုးရ ဟာ အမှားကြီး ၂ ခုလုပ်ခဲ့ဖူးတယ်။ ပထမ အမှား က NLD ဆိုတဲ့ ကျားသေကို အသက်ပြန်သွင်းမိခဲ့တဲ့ အမှား။ ဒုတိယ အမှားက လိုင်ဇာကို သိမ်းတော့မယ့် တပ်တွေကို ပြန်ဆုတ်ပါလို့ အမိန့်ပေးမိလိုက် တဲ့ အမှား။ ဒီလို အမှားတွေ ကြောင့် တိုင်းပြည်ဒီလို ဖြစ်ခဲ့ ရတာကို လက်ရှိ USDP အစိုးရ ရော တပ်မတော် ပါ သင်ခန်းစာ ယူနိုင်ခဲ့လေပြီ။ ဒီလို အမှားမျိုး နောက်တစ်ကြိမ် ဘယ်တော့မှ အဖြစ်ခံမှာ မဟုတ်တော့ပါဘူး။ တစ်ခုတော့ ရှိပါတယ်။ မြန်မာပြည်မှာ ဒီမိုကရေစီနစ် ပီပီပြင်ပြင်ဖွံ့ဖြိုး ဖို့ ၊ အပြန်အလှန်ထိန်းကျောင်းဖို့ အတိုက်ခံပါတီ တစ်ခု လိုတာကိုတော့ မငြင်းလိုပါဘူး။ သို့သော် ၁၉၈၈ ခုနှစ်ထဲက စလို့ တပ်မတော်ကို ရန်ရှာရင် နိုင်ငံရေး ဖြစ်တယ်၊ လက်နက်မဲ့ နိုင်ငံရေးပါတီ ဝင်တွေကို မုဒိမ်းကျင့်ကာ ရက်ရက်စက်စက် သတ်ဖြတ်လိုတဲ့ အကြမ်းပတမ်းနိုင်ငံရေးစရိုက် ရှိတဲ့ NLD ပါတီမျိုးကိုတော့ မြန်မာ့ နိုင်ငံရေး စည်