Surxondaryo yoshlar yetakchilari

🎥 2026-yil 30-iyun – Prezidentimiz tomonidan Yoshlar kunida belgilab berilgan ustuvor vazifalar ijrosini samarali tashkil etish, mahallalarda yoshlar bilan ishlash tizimini yanada takomillashtirish hamda amalga oshirilayotgan ishlar samaradorligini o‘rganish maqsadida Mahallalarda yoshlar bilan ishlash bo‘yicha Respublika komissiyasi ishchi guruhi Surxondaryo viloyatida o‘rganish ishlarini boshladi. 📌 Ayni damda mazkur tashrif doirasida Termiz shahridagi viloyat Yoshlar markazida mas’ul vazirlik va idoralar, korxona hamda tashkilotlar rahbarlari ishtirokida yig‘ilish tashkil etilib, Prezidentimiz tomonidan belgilangan vazifalar ijrosini tizimli tashkil etish, mahallalarda yoshlar muammolarini aniqlash va hal etish, ularning bandligini ta’minlash, tadbirkorlikka jalb qilish, bo‘sh vaqtini mazmunli tashkil etish, yoshlar tashabbuslarini qo‘llab-quvvatlash bo'yicha ishlar muhokama qilinmoqda. Shuningdek, ishchi guruh tomonidan hududlarda yoshlar bilan ishlash tizimini yanada takomillashtirish, idoralararo hamkorlikni kuchaytirish hamda mavjud kamchiliklarni bartaraf etish yuzasidan mas’ullarga tegishli topshiriq va tavsiyalar berildi. ✅O‘rganish ishlari davomida hududlarda amalga oshirilayotgan ishlar joyiga chiqqan holda tahlil qilinib, ilg‘or tajribalarni ommalashtirish va aniqlangan muammolarni tezkor bartaraf etish bo‘yicha amaliy choralar ko‘riladi. #Mustaqillik35 #Uzb35 🔎Bizning sahifalarimiz: 🌐Telegram 🌐Facebook 🌐Instagram 🌐YouTube