Halal memory🫀

ምስጋና ለእርሱ .... በውዱእ ውስጥ ወንጀል ማጥራትን ላደረገው ጌታ ፤ በሱጁድ ውስጥ ሀዘንን ማራገፍ ላደረገው አላህ ፤ በልብ ውስጥ ቁርአንን ብርሀን ላደረገው ዐዚዝ ፤ በመስጠት ውስጥ ደስታን ላደረገው ከሪም ፤ ከሀዘን በኋላ ደስታን ላደረገው ረሂም ምስጋና የተገባው ነው

አላህ ሆይ! መጪውን ዕድሜያችንን ካለፈው የተሻለ አድርግልን። ድክመታችንን በእዝነትህ ሸፍንልን። የብልሃታችን ማነስ በምራቻህ ሙላልን። ሰፊ እና በረከት ያለው ሲሳይ ስጠን፤ የተሟላ ደኅንነትንም አድለን። ልጆቻችንን እና ዘሮቻችንንም መልካምና የሰላም ምንጭ አድርግልን። በልቦቻችን ውስጥ መረጋጋትን አውርድ፤ ጭንቀቶቻችንን አስወግድ፤ ደረታችንን አስፋፋልን፤ በእኛ ላይ የተቆጡትንም አስደስት። ስንኖርም ሆነ በመሞቻ ጊዜያችን እዘንልን። አሚን 🤲

ሰው ለሌላው ሰው ማሰቡ ምንኛ ውብ ነው! አንዳንድ ጊዜ ሰዎች በውስጣቸው የሚያልፉትን ስቃይ ለማንም አይናገሩም። በፈገግታቸው ጀርባ ሀዘን፣ በዝምታቸው ጀርባ ብዙ ሀሳብ ሊኖር ይችላል። ሰዎችን ከመፍረድህ በፊት ሁኔታቸውን ለመረዳት ሞክር። አንድ መልካም ቃልህ የሰውን ልብ ሊያረጋጋ ይችላል። ሌሎችን በችግራቸው ጊዜ አትርሳ፤ አንድ ቀን አንተም የሌላ ሰውን ድጋፍ ልትፈልግ ትችላለህ። 🤲 ለተጨነቁት ዱዓ አድርግ፣ ለተቸገሩት እርዳታ አድርግ፣ ለተሰበሩ ልቦችም የምትችለውን ማጽናኛ ስጥ። አስታውስ! የሰውን ሁሉ ሀዘን ማስወገድ ባትችልም፣ ሀዘኑን ለማቃለል ምክንያት መሆን ትችላለህ። 🌸የሌሎችን ስቃይ የሚረዳ ልብ ይኑረን፤ ሰው ለሰው መድኃኒት እንጂ ቁስል አይሁን።

ነፍስ ያለው ሁሉ ሞትን ይቀምሳል! ነገር ግን ሁሉ አሟሟት አንድ አይደለም። ሲሞት ምድር ምታለቅስለት ሰው አለ፤ በተቃራኒው ደግሞ ሲሞት ለሰው ልጆች እረፍት የሆነ ሰው አለ።!

መልካም ምሽት✌️ ለነገ ውሎ ማማር ምሽቱን ወደ አላህ ቀርቦ ማደር . ነገሮች ሁሉ ምላሽና ዉጤት አላቸው። ምሽቱን በወንጀልና ኃጢአት ያሳለፍክ እንደሆነ ጠዋት ላይ ይህ ሊያጋጥምህ ይችላል - .  ለሱብሒ ሶላት እንዳትነሳ የሚጫጫንህ ነገር ይኖራል፣ ኃይለኛ የራስ ምታት ይዘህ ትነሳለህ፣ ሚስትህ አኩርፋ ትጠብቀሃለች፣ ምን እንዳስቆጣት እንኳን ፈልገህ ፈልገህ ልታገኝ አይችልም፣  ልጅህ ከመሬት ተነስቶ  ትምህርት ቤት አልሄድም ይላል፣ ካልሲህን በመፈለግ ብቻ ከግማሽ ሰዓት በላይ ይወስድብሃል፣ ቁርሱ ጨው በዝቶበት አላስበላ ይልሃል፣ መኪናህ አልነሳ ትላለች፣ ዝም ብሎ ያነጫንጭሃል፣ ከቤት ቶሎ አትወጣም፣ ታክሲው ቶሎ አይመጣም ፣ ወያላው ይለክፍሃል፣ ትራፊክ ያለምንም ምክንያት ያስቆምሃል፣ ያለ ጥፋትህ ይከስሃል፣ ቢሮ ስትገባ አለቃህ በቁጣ ይጠብቅሃል፣ ያሳደርከው ሥራ አዲስ ይሆንብሃል፣ ምሳ ልትበላ ስትከፍት ወጥ የለውም፣  ትንሽ ደቂቃ ልተኛ ብለህ ገና ጋደም ብለህ ጣፋጭ እንቅልፍ እየወሰደህ ሳለ የስልክ ጥሪ ይቀሰቅስሃል፣ ዘሁር ከሰገድክ በኋላ ዉዱእ እንዳልነበረህ ትዝ ይልሃል፣ ነገሮች ሁሉ ይሰነካከሉብሃል .... ያኔ ታዲያ አብዝተህ መታገስና ነገሮችን በውዴታ መቀበል ይኖርብሃል። ... ~ ምሽት ለንጋት እርሾ ነው፣ ~ ማለዳ ለዉሎ ጥንስስ ነው፣ ~ ምሽትህን በዒባዳ አሳምር፣ ~ ማለዳህን በሶላት ዚክርና ዱዓ  ጀምር፣ ~ በገዛ እጅህ ቀንህን አሳልፈህ ሠጥተህ ዛሬ ቀኑ የኔ አይደለም አትበል። ኢላሂ ምሽታችን ውብ ይሆን ዘንድ በምናስበው ላይ ሁሉ እርዳን.. @Halal_memory

ዓለም በየቀኑ እየተለወጠች ነው፤ እኛስ? አሁንም በትናንትናው ዕውቀት ብቻ እንቀጥል? 🤔 ትልቅ ስኬት የሚጀምረው በትንሽ ትምህርት፣ በቀላል ጥያቄና በየቀኑ በሚደረግ ጥረት ነው። ዛሬ አንድ አዲስ ነገር ተማር! 🔍 የማታውቀውን ጠይቅ! 🧠 ከስህተትህ ተማር! 💪 ትናንት ከነበርከው የተሻለ ሰው ለመሆን ጥረት አድርግ! ዕውቀት ሀብት ነው፤ መማር ደግሞ ወደ ስኬት የሚወስድ መንገድ ነው! 🕌 አላህ በቁርአን እንዲህ ይላል፦ ﴿وَقُل رَّبِّ زِدْنِي عِلْمًا﴾ «ጌታዬ ሆይ! ዕውቀቴን ጨምርልኝ በል።» (ሱረቱ ጣሃ፣ 20:114) ✨ ዛሬ የምትማረው ነገ የምትደርስበትን ደረጃ ሊወስን ይችላል። ስለዚህ ጊዜህን ተጠቀምበት፣ አእምሮህን አሳድግ፣ ሕልምህንም ወደ እውነት ለመቀየር ዛሬውኑ ጀምር! ━━━━━━━━━━━━━━━ @Halal_memory

አንዳንድ ጊዜ በልባችን ውስጥ ያለውን ሀዘን ለማንም መናገር አንችልም። ከፈገግታችን ጀርባ ብዙ የተደበቀ ህመም እንዳለ ማንም አያውቅም። ነገር ግን… ሰዎች ባይሰሙህም፣ አላህ ይሰማሃል። 🤲 ዱዓ ስታደርግ የልብህን ምስጢር ለአላህ ንገረው። ተስፋ ስትቆርጥ የአላህን ምሕረት አስታውስ። መንገዱ ሲከብድህም በሶላትና በዱዓ ወደ አላህ ቅረብ። @Halal_memory

የፍቅር ዋጋ ✍️ አሰል ክፍል 1 የመጀመሪያው ቀን ጠዋት ነበር። የከተማዋ ጎዳናዎች በሰዎች እግር እና በመኪና ድምፅ መሞላት ጀምረው ነበር። መርየም ግን በቤቷ መስኮት አጠገብ ቆማ ውጭውን ትመለከት ነበር። ዛሬ አዲስ ሴሚስተር ነበር። አዲስ ትምህርት፣ አዲስ ሰዎች፣ አዲስ ገጠመኞች። መርየም መስታወቱን አይታ ሂጃቧን አስተካከለች። ፊቷ ላይ ትንሽ ፈገግታ ታየ። “ዛሬ ሁሉም ነገር አዲስ ይሆናል።” እሷ ለሰዎች በጣም ብዙ የምትናገር ልጅ አልነበረችም። በጣም ብዙ ምስጢሮች ነበሯት። ከእነዚያ ምስጢሮች አንዱ ደግሞ ለወደፊቷ የምትመኘው ሕይወት ነበር። መርየም ድህነትን አትወድም። በገንዘብ ጭንቀት ውስጥ መኖርን አትፈልግም። ቀኑን ሙሉ ለገንዘብ መሮጥ አትፈልግም። እሷ የምትፈልገው ሌላ ነገር ነበር። ትልቅ ቤት። የተረጋጋ ሕይወት። ጥሩ ልብስ። መጓዝ። በገንዘብ የተረጋጋ ባል። እና በቤቷ ውስጥ በሰላም መኖር። “እኔ የምፈልገው ይሄን ነው።” ይህን ለማንም በግልጽ አትናገርም። ግን በልቧ በጣም ግልጽ ነበር። ቦርሳዋን ይዛ ከቤት ወጣች። ትምህርት ቤቱ ስትደርስ ጓደኛዋ ሳራ ከሩቅ አያት። “መርየም!” መርየም ዞር ብላ ፈገግ አለች። “ሳራ!” ሳራ እየሮጠች መጣችና እጇን ያዘች። “ዛሬ ምን እንደሚሆን ታውቂያለሽ?” “ምን?” “አዲስ ኡስታዝ መጥቷል አሉ።” መርየም ትንሽ ተገረመች። “ኡስታዝ?” “አዎ። አዲስ ነው። ስሙ ያሲን ነው አሉ።” “እና?” “እና ምን እንደሆነ ሰምተሻል?” “አልሰማሁም።” ሳራ በድምፅዋ ዝቅ አድርጋ እንዲህ አለች። “በጣም የተረጋጋ ሰው ነው አሉ። በዲን እውቀቱም ጥሩ ነው አሉ።” መርየም ትከሻዋን አነሳች። “እኔ ትምህርት ብቻ ነው የምፈልገው።” “እሺ እሺ። እንይ እንጂ።” ሁለቱም ወደ ክፍላቸው ገቡ። ተማሪዎቹ በየቦታቸው ተቀምጠዋል። ድምፅ በክፍሉ ውስጥ በዝቶ ነበር። ከጥቂት ደቂቃዎች በኋላ በሩ ተከፈተ። የክፍሉ ድምፅ በድንገት ቀነሰ። አንድ ወጣት ኡስታዝ ወደ ውስጥ ገባ። ፊቱ ላይ የተረጋጋ ገጽታ ነበረው። በአካሄዱ ውስጥ ትዕቢት አልነበረም። “አሰላሙ ዓለይኩም።” “ወዓለይኩሙሰላም።” ተማሪዎቹ በአንድ ድምፅ መለሱ። እሱ በቀስታ ወደ ጠረጴዛው ሄደ። “ስሜ ያሲን ነው። ከዛሬ ጀምሮ የዲን ትምህርታችሁን እኔ እሰጣለሁ።” መርየም ዝም ብላ ትመለከተው ነበር። ምንም ልዩ ነገር አልተሰማትም። እስኪጀምር ድረስ። ያሲን መጽሐፉን ከፈተ። “ዛሬ ስለ አንድ ቀላል ነገር እንነጋገራለን። ኒያ።” አንዳንድ ተማሪዎች መጻፍ ጀመሩ። “ሰው አንድ ነገር ሲያደርግ ምክንያቱን ማወቅ አለበት። ምክንያቱ ካልታወቀ ሰው ራሱን እንኳን ሊያጣ ይችላል።” መርየም እጇን ቆም አድርጋ አዳመጠች። ያሲን ቀጠለ። “ለምሳሌ አንድ ሰው ሌላን ሰው ሲወድ ለምን እንደሚወደው ራሱን መጠየቅ አለበት። ለአላህ ብሎ ነው? ለገንዘብ ነው? ለዝና ነው? ወይስ ለራሱ ፍላጎት?” መርየም ወደ መጽሐፏ ተመለከተች። እነዚህ ቃላት በልቧ ውስጥ የሆነ ቦታ ነክተዋት ነበር። እሷ ራሷን ጠየቀች። “እኔ ምን እፈልጋለሁ?” ግን መልሱን ማሰብ አልፈለገችም። ትምህርቱ አለቀ። ተማሪዎቹ መጻሕፍታቸውን መዝጋት ጀመሩ። መርየም ግን አንድ ነገር አስተዋለች። በመጽሐፏ መካከል አንድ ትንሽ ወረቀት ነበር። እሷ ቀስ ብላ አወጣችው። በወረቀቱ ላይ አንድ ጥያቄ ብቻ ተጽፎ ነበር። “መርየም፣ በእውነት ምን ትፈልጊያለሽ?” ልቧ በፍጥነት መምታት ጀመረ። ወረቀቱን በድጋሚ አነበበችው። “ይህን ማን ጻፈው?” ወደ ፊት ተመለከተች። ያሲን ክፍሉን ለቆ ሊወጣ ነበር። “ኡስታዝ!” ያሲን ቆመ። “አ… Read in full →

የፈለገውን ያክል ጊዜ ሊወስድ ይችላል ግን inshallah በመጨረሻ ሁሉም ነገር ውብ ይሆናል!

╔═══❖•ೋ° °ೋ•❖═══╗ 📖 የፍቅር ዋጋ ❤️‍🔥 ╚═══❖•ೋ° °ೋ•❖═══╝ ✍️ አሰል ╔════•| ✿ |•════╗ #ክፍል_🔟 ╚════•| ✿ |•════╝ صلوا على رسول الله ﷺ 🤍 ወሬው ከየት መጣ? በማግስቱ ጠዋት መርየም ከሳራ ጋር ተገናኘች። ሳራ ከሩቅ እንዳየቻት ፈገግ አለች። “እንዴ! ዛሬ ፊትሽ ላይ ጭንቀት አልታይም። ካሊድ የልብሽን ጥያቄ መለሰልሽ እንዴ?” መርየም ፈገግ አለች። “አንቺ ከማሾፍ ውጭ ሌላ ሥራ የለሽም?” “አለኝ። አንቺን ማስተካከል!” ሁለቱም ሳቁ። ከዚያ መርየም ወደ ጉዳዩ ተመለሰች። “ሳራ፣ ስለ ያሲን የነገርሽኝን ወሬ አሁንም እያሰብኩበት ነው። ግን አንድ ነገር አልገባኝም። ይህን ወሬ ከየት ሰማሽው?” ሳራ ትንሽ ዝም አለች። “ከአንዲት ልጅ ነው። ከሌላ የእውቀት ክፍል ትማራለች። እሷ ከዚህ በፊት ያሲንን እንደምታውቀው ነግራኛለች።” “ስሟ ማን ነው?” “ሊና ትባላለች። ግን መርየም፣ እባክሽ አሁን ሄደሽ አትጠይቂያት። እንደዚያ ነገር አታድርጊ።” መርየም በጥሞና አየቻት። “እኔ ማንንም ልጎዳ አልፈልግም። እውነቱን ብቻ ማወቅ ነው የምፈልገው።” ⸻ በዚያው ቀን ከሰዓት በኋላ ካሊድ ከእናቱ ጋር ስለ መርየም ተነጋገረ። “እናቴ፣ በቅርቡ ወደ ቤተሰቧ ሄደን መነጋገር እፈልጋለሁ።” እናቱ ፈገግ አሉ። “ጥሩ ነው። ግን ልጄ፣ ስለ እሷ በቂ መረጃ አለህ?” “ እያወቅኋት ነው።” “እንግዲያውስ እሷም አንተን እንድታውቅ እድል ስጣት። ትዳር የሚጀምረው በጥሩ ፎቶ ወይም በጥሩ ቤት አይደለም። በመተማመን ነው።” ካሊድ ራሱን ነቀነቀ። “አውቃለሁ፣ እናቴ።” እናቱ ትንሽ ቆይተው ጠየቁት። “አንድ ነገር ግን ልጠይቅህ። ይህችን ልጅ የመረጥካት ስለ ማንነቷ ነው ወይስ በሌላ ምክንያት?” ካሊድ ፈገግ አለ። “እናቴ፣ አንዳንድ ጊዜ አንቺ ከአባቴ የበለጠ ጥያቄ ታበዢያለሽ።” “ስለዚህ ነው እናት የምባለው።” ⸻ ከቀናት በኋላ መርየም በፕሮግራሙ ዝግጅት ላይ ስትሳተፍ ሊናን አየቻት። ሳራ ያቺ እንደሆነች በአይን ምልክት አሳየቻት። ሊና ረጅም ጊዜ ሳትቆይ ወደ መርየም ቀረበች። “ሰላም። አንቺ መርየም ነሽ?” “አዎ። አንቺ ሊና ነሽ?” ሊና ትንሽ ተገረመች። “ስሜን እንዴት አወቅሽ?” መርየም ፈገግ አለች። “ከሳራ ሰምቻለሁ።” ሊና ትንሽ ዝም አለችና እንዲህ አለች። “እንግዲያውስ ስለ ያሲንም ነግራሻለች?” መርየም በቀጥታ መለሰች። “አዎ። ግን እኔ ወሬ ለመስማት አልፈልግም። እውነቱን ካወቅሽ በእርጋታ ንገሪኝ።” ሊና ዙሪያዋን አየች። “እዚህ አይደለም። ከፈለግሽ ከፕሮግራሙ በኋላ እናወራለን።” መርየም ራሷን ነቀነቀች። ⸻ ፕሮግራሙ ካለቀ በኋላ ሁለቱ ልጆች በሌሎች ሰዎች አጠገብ ተቀምጠው ተነጋገሩ። ሊና ጀመረች። “ያሲንን ከዚህ በፊት አውቀዋለሁ። በአንድ ፕሮግራም ላይ ነበርን። በዚያን ጊዜ ከእሱ ጋር የሚቀራረቡ ሴቶች ነበሩ።” መርየም በጥንቃቄ አዳመጠች። “እና እሱ ከእነሱ ጋር ግንኙነት ነበረው?” “አንዳንድ ነገሮችን በግልጽ አላውቅም። ግን ከአንዲት ልጅ ጋር በጣም ተቀራርቦ ነበር። ከዚያ በኋላ ነገሩ ተቋረጠ።” “ስሟ ማን ነው?” ሊና ትንሽ አመነታች። “ሂባ ትባላለች። እሷ ግን አሁን እዚህ አትመጣም።” መርየም በጥሞና ጠየቀቻት። “እነሱ በእውነት ፍቅር ነበራቸው?” “እኔ የማውቀውን ብቻ ነው የነገርኩሽ። ከዚያ በላይ ራሳቸው ያውቃሉ።” መርየም አመሰገነቻትና ተለያዩ። ነገር ግን ከሊና የሰማችው ነገር ከሳራ የሰማችውን ወሬ አላረጋገጠም። የበለጠ ጥያቄ ብቻ ፈጠረባት። ⸻ በዚያው ምሽት ካሊድ ለመርየም መልዕክት ላከ… Read in full →

አላህ እንዲህ ይላል፦ 📖 ﴿وَأَقِمِ الصَّلَاةَ لِذِكْرِي﴾ «ለማስታወሴ ሶላትን አቋቁም።» 📚 ሱረቱ ጣሃ 20:14 ሶላት ከአላህ ጋር ያለህን ግንኙነት ከሚያጠናክሩ ታላላቅ የአምልኮ ተግባራት አንዱ ነው ዱንያ በሥራ ሊያጣድፍህ ይችላል ለሶላት ግን ጊዜ ስጥ ሶላትህን አትተው።