☾⋆ 𝐇𝐚𝐥𝐚𝐥 𝐕𝐢𝐛𝐞𝐬 𓇢𓆸

መድረሻ አልባ ክፍል ስድስት 6 'መድረሻ አልባ ደብዳቤዎች 4' አሰላሙ ዋአለይኩም ወራህመቱላህ! ካሊድ ምን እንደምልህ አላውቅም በጣም እንዳዘንክ አቃለሁ በዳኒ ሞት አላህ ሰብር ይስጥህ!እኔም በጣም ነው ያዘንኩት………...ግን ካሊድዬ የዳኒ ሞት አንተን የመከረህ ይመስለኛል ዝምተኛው መካሪም አይደል!(ለምን አልኩ?) ከዳኒ ቤተሰቦች ቤት ስንወጣ መፅሐፍ ጠየከኝ እናም መለወጥ እፈልጋለሁ አልከኝ።እውነት ኾኖ ከተቀየርክ አልሐምዱሊላህ! አላህ ልመናዬን ተቀብሎኛል ማለት ነው።የዳኒ ሞት መክሮሃል ሰበብ ሆኖሃል ያልኩት ለዚ ነው። እውነትም ዝምተኛው መካሪ! ከሞት በላይ ምን መካሪ አለ! ደሞ እንዴት እሱን መፅሐፍ ሠለሀዲን ጋ አጣኸው?ግን እንኳንም አጣኸው ካንተ ጋ በደንብ ለመቀራረብ ምክንያት ይሆነኛል እናም በአንድ መፅሐፍ እንዳንለያይ ሌላ መፅሐፎችንም እጨምርልሃለሁ ኢንሻአላህ! አንተንም አላህ ይምራህ! ያፅናህ! 'መድረሻ አልባ ደብዳቤዎች 5 "ሲኦል ምንድነው ብትሉኝ፤ማፍቀር ካለመቻል የሚመጣ ስቃይ ነው እላችኋለሁ።” (ፊዮዶር ዶስትዮቭስኪ) “ፍቅር!መስዋዕትነት ነው።ፍቅር ማለት መስጠት እንጂ መቀበል አይደለም፤ማሰብ እንጂ መታሰብ አይደለም፤ፍቅር ማለት ለማስደሰት መቻል ነው" (የሺጥላ ኮከብ) 'እስካሁኗ ደቂቃ ድረስ የፍቅርን ውስጠ ምስጢር የሚተነትን ፅሁፍ ለማዘጋጀት ድፍረቱን አላገኘሁም።ሲመስለኝ ያለን እውቀት ሁሉ ፍቅርን አሟልቶ ለመተንተን በቂ አይደለም.......አሁንም ስለ ፍቅር የምናውቀው በጣም ጥቂቱን ነው”(ሲግመንድ ፍሩድ) (ባለፈው በዚ እጀምርልሃለሁ ብዬ ነበር) አልሐምዱሊላህ! አሁን የምፈልገውን ካሊድ እየሆንክ ነው(በዚህ ያስቀጥልህ) ት/ቤትም መስጂድ ስትሄድ አይቼሃለሁ።ደስ ብሎኛል አባዬም ደስ ብሎታል።አዎ አባዬ ግራ ሊገባህ ይችላል፤ከአባቴ ምንም የምደብቀው ነገር የለኝም አንተን ካየሁህ ቀን ጀምሮ የተሰማኝን እና የሆነውን ኹሉ እየነገርኩት ነው።የሰጠሁህን መፅሐፎች ብዙዎቹን እሱ ነው እያመጣ ይኼን ስጪው እያለኝ የነበረው።ላንተ የተሰማኝን ስሜት ስነግረው'ሰዐዳዬ አንቺ ወደ ሐራም ነገር እንደማትሄጂ እርግጠኛ ነኝ።ኢንሻአላህ አላህ ካለ ትምህርታችሁን ስትጨርሱ ከእናትሽ እና ከወንድምሽ ጋ ተመካክረን እሱንም አናግረነው መልካም ፍቃዱን ካገኘን ኒካህ ታስሩና ትምህርታችሁን (University ) ትቀጥላላችሁ።አሁን ግን ትምህርትሽ ላይ ትኩረት አርጊ" አለኝ። ካሊድዬ ግን አንተ ትወደኝ ይኾን? 'መድረሻ አልባ ደብዳቤዎች 6' አሠላሙ ዋአለይኩም ወራህመቱላህ! ካሊድ(ዬ) እንዴት ነህልኝ?እኔ አልሐምዱሊላህ! አሁን እኮ ከእናትህ ጋርም ተዋወኩ።እንዴት ደስ የምትል እናት ነው ያለህ!ከሷ ጋ ማውራት እንዴት ያስደስታል! እና አልሐምዱሊላህ ተስተካክለሃል ደሞም በዚሁ ከቀጠልክ ከኤልያስ ትበልጣለህ(ማነው ኤልያስ?ትለኝ ይኾናል) ትናንት አንብቤ የጨረስኩት መፅሐፍ ላይ ያለ ልጅ ነው።እዛ መፅሐፍ ላይ የተስተካከለችው ሲሃም ስትሆን እዚህ ደሞ አንተ(የኔ ካሊድ)! ታሪካቸው እንዴት ደስስ እንደሚል እነ ሙኽታር፣ኸውለት፣ራህማ...... በቃ የበለጠ መፅሐፉን እሰጥህና ታነበዋለህ።እነዚህን ደብዳቤዎቼንም እሰጥሃለሁ እናም መድረሻ አልባ የነበሩት ፅሁፎቼም በአላህ ፍቃድ መድረሻ አግኝተዋል!! አልሐምዱሊላህ!!!!!! አንብቦ ጨረሰ።ሁሉንም እንደነበረ አጣጥፎ መፅሐፉ ውስጥ አስቀመጠ።ለሱ እየተሰማው የነበረው ስሜት እሱ ጋ ብቻ ባለመቅረቱ ደስ አለው። -ጠዋት ላይ ቁርስ ሰርቶ ከእናቱ ጋ ከበሉ በኋላ እሳቸውን እየጠየቀ ቡና አጥቦ፣ቆልቶ፣ፈጭቶ አፍልቶላቸው ቁጭ ብለው እያወሩ "እማ! አንድ ነገር ልነግርሽ ነበር" አላቸ… Read in full →

መድረሻ አልባ ክፍል ሰባት -የፈተና ጊዜያቸው እየቀረበ ነው ሁለት ሳምንት የማይሞላ ጊዜ ነው የቀራቸው።እነ ካሊድም በደንብ እየተዘጋጁ ነው።ሐሙስ ማታ ካሊድ ኢሻ ሰግዶ ቤት ገብቶ እራት በልቶ ከእናቱ ጋ ካወሩ በኋላ ክፍሏ አስገብቶ አስተኝቷት ግንባሯን ስሞ ወደ ክፍሉ ኼደ። ጁምዐ ጠዋት መስጂድ ሄዶ ሱብሂ ሰግዶ ተመልሶ መጣ።እስካሁን እናቱ አልተነሳችም "እማ!" እየተጣራ ክፍሏ ገባ።አልመለሰችም፡፡"እማ አመመሽ እንዴ?" ብሎ ሄዶ ሲያያት ትንፋሿ የለም፡፡"እማ! እማዬ!" አትመልስም፡፡ ወደማይቀረው ጉዞ(ሞት)ሄዳለች፡፡ ካሊድ ደነገጠ ራሱን ስቶ ወደቀ።ከሰአታት በኋላ ካሊድ ስልክ አላነሳም ሲለው ሰለሀዲን ቤታቸው መጣ፥በሩ ክፍት ነው፡፡ገባ፡፡ "ካሊድ" "እማ* የሚመልስ የለም የመኝታ ቤቱ በርክፍት መሆኑን አየና ወደዛ ሄደ።የካሊድ እናት ተኝተዋል ካሊድ መሬት ላይ ወድቋል።እየሮጠ ሄዶ "እማ" አትመልስም፡፡ መሞቷን አወቀ ማልቀስ ጀመረ''ኢንና ሊላሂ ወኢንና ኢለይሂ ራጂዑን " እያለ ካሊድን ይጠራዋል፡፡ እሱም አይመልስም። ውሃ ፊቱ ላይ ረጨበት። ካሊድ ነቃ "እማዬስ? ለምን አትመልስም? እእ... ተኝታ ነው?" አለ። ሰለሀዲን ሳይመልስለት ወጣና ሰዐዳ ጋ ደወለ።ብዙ ሳይቆዩ ከአባቷ ጋ መጡ፡፡ካሊድ የእናቱን እጅ እየነካ ያለቅሳል።ሰዐዳም "ትናንት እኮ ሰዐዳዬ ልጄን አደራሽን እኔ ከሞትኩ ማንም ዘመድ የለውም ስትለኝ ነበር” ብላ ማልቀስ ጀመረች። የሰዐዳ አባት ካሊድና ሰለሀዲን ተጋግዘው መኪና ውስጥ አስገቧት።በፒያሳ በሰባራ ባቡር ፓስተር ዊንጌትን አልፈው አወሊያ ጀናዛ ማጠቢያ ወሰዷት።ከጁምዐ በኋላ ሰላተል-ጀናዛ ተሰግዶባቸው ወደ ኮልፌ ኢስላም መቃብርተወሰዱ።ተቀበሩ፤አፈር ተጫነባቸው።የሰዐዳ አባት ለሳቸው ሰደቃ እንዲሆን ቴምር ገዝተው ጀናዛውን ለቀበሩት ከሰለሀዲን ጋ ሆነው እየሰጡ ነው።ካሊድ አንድ ጥግ ላይ ቁጭ ብሎ የ'ናቱን ቀብር እያየ እያለቀሰ ነው፡፡ሰዐዳና እናቷ ከያስሚን ጋ ሆነው ቤቱን አስተካክለው ለሰደቃ የታረደውን ስጋ እየሰሩ ነው፡፡ሰለሀዲን ካሊድን አቅፎ ደግፎ ይዞት መኪና ውስጥ ገብተው ወደ ቤት መሄድ ጀመሩ። መኪና ውስጥ ይኽ ነሺዳ ተከፍቷል፦ ''የጀሊሉን ፍርጃ፣ በአሚን ተቀብዬ፣ ሸኝቼ ተመለስኩ፣ አደራህን ብዬ፣ የአዝራኢልን ኮቴ፣ ፍርዱ ሲያመጣው፣ የኔ ያልኩትን ሰው፣ ቀብሬው መጣሁ። (ሙንሺድ ሰለሀዲን ዘይኑ ግጥም ፈይሠል አሚን) ቤት ሲደርሱ ካሊድ" አሁን እማ የለችማ?መጣህ ልጄ? ለምን ቆየህ? አትለኝማ? እማ ዛሬ ከፍቶኛል ብዬ የምነግራት የምመክራት እናቴ የለችማ?'' ብሎ ማልቀስ ጀመረ።ሁሉም አለቀሱ። -የካሊድ እናት ጓደኞች፣የካሊድ ጓደኞች እነ አህመድና ሌሎችም ሰዎች መጥተው በልተው ወጡ።የሰዐዳ አባት አድራለሁ ብሎ የነበረ ቢሆንም አህመድና ሰለሀዲን እኛ አለን ብለው ከለከሉት፡፡ከሰዐዳ ከእናቷ እና ያስሚን ጋ ሆነው ተመልሰዋል።ካሊድ ከማልቀስ ውጭ ምንም አይናገርም፤ሰለሀዲንና አህመድም ሳይነጋገሩ ቁጭ ብለዋል፡፡ካሊድ ምንም አልበላም ሰላት ሰዐት ሲደርስ ብቻ ይሰግዳል።አራት ሰዐት ካለፈ በኋላ በተቀመጠበት ተኛ ሰለሀዲንም ተነስቶ አለበሰው፡፡ሁሉም ተኙ። ።።።ሰአዳና ያስሚን በጠዋት ከአባቷ ጋ ሆነው መጡ።ቁርስ አቀራርበው ጠሯቸው ካሊድ እንቢ ቢልም የሰዐዳ አባት ተቆጥቶት ትንሽ በላ።የሰዐዳ አባት ስራ ስላለበት ቁርስ በልቶ ወጣ።ካሊድ አሁንም ሲያለቅስ "ካሊዶ በቃ አታልቅስ ዱአ አርግላቸው ያንተ ዱአንጂ ለቅሶህ ምንም አይፈይዳቸውም" አለ ሰለሀዲን፡፡ካሊድም ተነስቶ "እናቴ እኮ ናት! የሞተችው እናቴ ለኔ ከእናትም በላይ ነበረች! ምን ያህል እንደተጎዳው ታቃለህ? አታቅም ምክንያቱም ባንተ አልደረሰም! በ… Read in full →

አላህን ማዉሳት አብዙ ፣ አላህን በማዉሳት ላይ የሚያበረታታችሁንም ሰዉ ወዳጅ አድርጋችሁ ያዙ፡፡ @Muslima122

ያረብ 🌙 እባክህ አስችለን ✨ በምንንጋደድበት ጊዜ ደግፈን ተስፋ ስንቆርጥ ተስፋ ስጠን ሲያመን አሽረን ከአንተ ስንሸሽ አቅርበን አላህዬ አውቃለው ትወደናለህ ፈተናዎችህን እንድናልፍ ጠንካራ አድርገን 🤲 @Muslima122

أكثِروا من الصَّلاة على النبي ﷺ اللَّهمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ، وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ». @Muslima122

አላህ በልብህ ውስጥ ምኞትን በከንቱ አያኖርም፤ በልብህ ውስጥ ቁጭትና ሐዘን ተቀምጦ እንዲቀር ብሎ የሆነን ነገር እንድትመኝ አያደርግህም ከጊዜ በኋላም ቢሆን ሊሰጥህና ሊያጎናጽፍህ እንጂ። ​ልብህ መለመንንና መጸለይን እስካልሰለቸ ድረስ አላህ ይሰጥሃል፤ የአላህ ቸርነትና ልግስና ከሕሊናህ (ከምናብህ) በላይ ሰፊ፣ ከፍላጎትህ በላይ ታላቅ፣ እንዲሁም ከምኞቶችህ ሁሉ በላይ እጅግ የበዛ ነው ።»

በጊዜ ሂደት ሁሉም ነገር ይረሳል ⏳✨