Matbuot kotibi Chat

Prezident Shavkat Mirziyoyev Oʻrta Chirchiq tumanidagi Qorasuv kanali boʻyida amalga oshirilgan bunyodkorlik ishlarini koʻzdan kechirdi. — Президент Шавкат Мирзиёев осмотрел созидательную работу, проведенную на берегу канала Карасу в Уртачирчикском районе. #Mirziyoyev #safar #Toshkentviloyati #bunyodkorlik Prezident.uz|Facebook|Instagram|YouTube|X

Қашқадарё вилояти МЕЛИОРАЦИЯ СОҲАСИДАГИ ВАЗИФАЛАР МУҲОКАМА ҚИЛИНДИ Аму-Қашқадарё ирригация тизимлари ҳавза бошқармаси ҳузуридаги Мелиоратив экспедиция томонидан Касби туманидаги «Эгамбердиев Кенжа бобо» фермер хўжалиги ҳудудидан ўтувчи ЮК-6-8 коллектори тармоғида амалий семинар ташкил этилди. Семинарда Мелиоратив экспедиция бошлиғи А. Шарипов сўзга чиқиб, Ўзбекистон Республикаси Вазирлар Маҳкамасининг 2026 йил 2 июлдаги «Сув фонди ерларини электрон онлайн-аукцион савдолари орқали реализация қилиш фаолиятини тартибга солиш чора-тадбирлари тўғрисида»ги қарорида белгиланган вазифалар ижроси ҳақида маълумот берди. Тадбирда ерларнинг мелиоратив ҳолатини яхшилаш, мавжуд машина ва механизмлардан самарали фойдаланиш, мелиоратив кадастрни юритиш, коллектор-дренаж тармоқларининг техник ҳолатини баҳолаш ҳамда уларни мунтазам инвентаризациядан ўтказиш масалалари муҳокама қилинди. Шунингдек, ёрдамчи хўжаликлар ташкил этиш ва ходимларни ижтимоий қўллаб-қувватлаш бўйича вазифалар белгилаб олинди. *** Аму-Қашқадарё ирригация тизимлари ҳавза бошқармаси ҳузуридаги Мелиоратив экспедицияда йиғилиш ўтказилди. Унда туманлардаги мелиоратив объектларда олиб борилаётган ишларнинг ҳолати ва самарадорлиги, шунингдек, белгиланган вазифалар ижроси атрофлича таҳлил қилинди. Йиғилиш давомида ерларнинг мелиоратив ҳолатини яхшилаш, Мелиорацияни ривожлантириш жамғармасига маблағлар тушумини таъминлаш борасида амалга оширилаётган ишлар кўриб чиқилди. Туманлар ҳудудидаги мелиоратив объектларда жорий йилда бажарилган ишлар ва эришилган натижалар танқидий-таҳлилий муҳокама қилиниб, келгусидаги устувор вазифалар белгилаб олинди. Аму-Қашқадарё ИТҲБ матбуот хизмати

Япониянинг “Kubota Corporation” компанияси делегацияси билан учрашув   Бугун Ўзбекистон Республикаси Сув хўжалиги вазирлигида Япониянинг “Kubota Corporation” компанияси делегацияси билан учрашув бўлиб ўтди. Делегацияга компаниянинг Сув ва экологик инфратузилма бўйича халқаро савдо департаменти директори Хирооми Ёшикава бошчилик қилди. Учрашув давомида Ўзбекистон ва Япония ўртасида сув хўжалиги соҳасидаги ҳамкорликни ривожлантириш истиқболлари, сув ресурсларини бошқариш тизимини такомиллаштириш, ирригация инфратузилмасини модернизация қилиш, энергия тежамкор технологияларни жорий этиш, насос станциялари ҳамда бошқа гидротехника иншоотларини реконструкция қилиш, шунингдек, рақамли бошқарув ва мониторинг тизимларини кенг татбиқ этиш масалалари муҳокама қилинди. Учрашув якунида Ўзбекистон Республикаси Сув хўжалиги вазирлиги ҳамда “Kubota Corporation” компанияси ўртасида Англашув меморандуми имзоланди. Мазкур ҳужжат сув ресурсларини бошқариш, ирригация ва сув хўжалиги инфратузилмасини ривожлантириш, давлат-хусусий шериклик лойиҳаларини амалга ошириш, илғор технологияларни жорий этиш, қўшма пилот лойиҳаларни ишлаб чиқиш ҳамда мутахассислар малакасини ошириш йўналишларида узоқ муддатли ҳамкорлик учун ҳуқуқий асос яратади. Томонлар имзоланган меморандум икки томонлама ҳамкорликни янги босқичга олиб чиқиши ҳамда Ўзбекистон сув хўжалиги тармоғига замонавий технологиялар ва илғор халқаро тажрибани жорий этишга хизмат қилишига ишонч билдирдилар.   Ахборот хизмати Расмий саҳифалар👇 📱Веб-сайт | 📱Tелеграм | 📱Фейсбук |📱 Инстаграм