ETHIO ≈ SCHOOL

ወላይታ ሶዶ ዩኒቨርሲቲ በተቋሙ ሦስት ካምፓሶች ለተመደቡ የሪሚዲያል ፕሮግራም ተማሪዎች አድርጎት የነበረውን ጥሪ ዘግይቶ በድጋሜ ማራዘሙ በተማሪዎች እና ወላጆቻቸው ላይ ቅሬታ ፈጥሯል፡፡ ዩኒቨርሲቲው ታህሳስ 16/2018 ዓ.ም ባወጣው ማስታወቂያ ፕሮግራም ተማሪዎች የምዝገባ ጥሪ ወደ ጥር 01/2018 ዓ.ም መራዘሙን መግለፁ ይታወቃል። ይሁን እንጂ ለዋናው ግቢ፣ ቦዲቲ ግቢ እና ዳውሮ ታርጫ ካምፓስ የተመደቡ የሪሚዲያል ተማሪዎች ምዝገባ ወደ ጥር 07 እና 08/2018 ዓ.ም የተራዘመ መሆኑን ዩኒቨርሲቲው ታህሳስ 29/2018 ዓ.ም ባወጣው ማስታወቂያ ገልጿል። ተማሪዎች እና ልጆቻቸውን ለመሸኘት በበዓል ከቤታቸው የየወጡ ወላጆች፣ በጉዞ ላይ እና መንገድ ላይ ሆነው የጥሪ ማስታወቂያው በድጋሜ መመራዘሙ የሚያሳዝንና እንግልት ላይ የጣለቸው መሆኑን ገልፀዋል፡፡ አንድ ወላጅ ልጃቸውን ይዘው መንገድ ጀምረው ጅማ ከተማ ገብተው ካደሩ በኋላ የመግቢያ ጥረው መራዘሙን እንደሰሙ ተናግረዋል። በዩኒቨርሲቲው ድርጊት እጅግ ማዘናቸውን የገለፁት እኚህ ወላጅ፤ የሚመለከተው መንግሥታዊ አካል ለጉዳዩ አፋጣኝ መፍትሔ እንዲሰጣቸው ጥሪ አቅርበዋል። በርካታ ተማሪዎች ከሰሜን፣ ከደቡብ፣ ከምስራቅ እና ምዕራብ የሀገሪቱ አካባቢዎች ተነስተው መንገድ ጀምረው በርከቶቹ በነጋተው ጉዟቸውን ለመቀጠል በተለያዩ ከተሞች አድረው ባሉበት ጥሪ መራዘሙን እንደሰሙ ለቲክቫህ ተናግረዋል። "ቤተሰብ በሌለው አቅሙ የትራንስፖርት ከፍሎ፣ በበዓል ከቤት ከወጣን በኋላና በየከተማው አድረን ጉዞ ልንጀምር ስንል ተራዘመ መባሉ አሳዛኝ ነው" ብለዋል። ቲክቫህ ዩኒቨርሲቲ በጉዳዩ ዙሪያ ወላይታ ሶዶ ዩኒቨርሲቲ እና ትምህርት ሚኒስቴርን ለማናገር ያደረገው ጥረት አልተሳካም፡፡ ለበለጠ መረጃ እና      👇 [https://t.me/allethioschool]

ታህሳስ 24/2018 ዓ.ም የተሰጠውን የብቃት ምዘና ፈተና የወሰዳችሁ የአንስቴዥያ ሙያ ተመዛኞች ከዛሬ ጥር 05/2018 ዓ.ም ጀምሮ ውጤታችሁን መመልከት የምትችሉ መሆኑን ጤና ሚኒስቴር አሳውቋል።   🔔 በተጨማሪም የጽሁፍ ፈተና ያለፋችሁ ተመዛኞች የተግባር ምዘና ፈተና ለመውሰድ ምዝገባ ጥር 06 እና 07/2018 ዓ.ም ብቻ በኦንላይን http://hpe.moh.gov.et/hple ላይ በመግባት እንድታደርጉ ተብሏል። ከተጠቀሱት ቀናት ውጪ ምንም ዓይነት የምዝገባ ጥያቄ የማያስተናግድ መሆኑን የገለፀው ሚኒስቴሩ፤ ምዝገባ ስትዳርጉ በመረጣችሁት የፈተና ጣቢያ በፈተናው ወቅት እንድትገኙ አሳስቧል። እያንዳንዱ የፈተና ጣቢያ ማስተናገድ በሚችለው ከፍተኛ የተመዛኝ ቁጥር ልክ ገደብ ስለተቀመጠለት ተመዛኞች ምዝገባውን ቀድማችሁ በማጠናቀቅ ተጠቃሚ መሆን የምትችሉ መሆኑ ተገልጿል። ማንኛውም ተመዛኝ ወደ ፈተና ጣቢያ ሲሔድ ሲስተሙ የሚሰጠውን የፈተና መለያ ቁጥር (Registration No) የያዘ ወረቀት (ስሊፕ) Print አድርጎ መያዝ ይጠበቅበታል፡፡ ለበለጠ መረጃ እና አስተያየት ካለዎት      👇👇👇 [https://t.me/allethioschool] [https://t.me/allethioschool]

#TVTI #ExitExam በፌዴራል ቴክኒክና ሙያ ስልጠና ኢንስቲትዩት በዋናው ግቢ እና በሥሩ በሚገኙ የሳተላይት ተቋማት በ2018 ዓ.ም ተከታታይ ፕሮግራም አንደኛ ሴሚስቴር ተመራቂዎች እንዲሁም በ2015፣ 2016 እና 2017 ዓ.ም የተሰጠውን የመውጫ ፈተና ተፈትናችሁ ማለፊያ ውጤት ያላመጣችሁ ተማሪዎች የመውጫ ፈተና ለመውሰድ የምዝገባ ጊዜ ከጥር 09-22/2018 ዓ.ም መሆኑን ኢንስቲትዩቱ አሳውቋል፡፡ የምዝገባ ቦታ፦ ➫ በ2018 ዓ.ም አንደኛ ሴሚስቴር ለምትጨርሱ ተከታታይ ፕሮግራም ተመራቂዎች ምዝገባው በምትማሩበት ግቢ በየትምህርት ክፍላችሁ ይሆናል፡፡ ➫ በሳተላይት ተቋማት ለምትጨርሱ ተከታታይ ፕሮግራም ተመራቂዎች በሳተላይት አስተባባሪዎች አማካኝነት በየሳተላይቱ ይሆናል፡፡ ➫ በ2015፣ 2016 እና በ2017 ዓ.ም የተሰጠውን የመዉጫ ፈተና ተፈትናችሁ ማለፊያ ዉጤት ያላመጣላችሁ ለሁሉም ዲፓርትመንት ተማሪዎች የምዝገባ ቦታ በዋናው ግቢ ICT Department ህንፃ ቁጥር 2፣ 1ኛ ፎቅ ይሆናል፡፡ የቴክኒክና ሙያ ስልጠና ኢንስቲትዩት የመውጫ ፈተና የሚሰጥባቸው ዩኒቨርሲቲዎች፦ ድሬ ዳዋ ዩኒቨርሲቲ፣ አርሲ ዩኒቨርሲቲ፣ ራያ ዩኒቨርሲቲ፣ ዓዲግራት ዩኒቨርሲቲ፣ ባህር ዳር ዩኒቨርሲቲ (ፖሊ ቴክኒክ ኢንስቲትዩት) ፣ ኮምቦልቻ ቴክኖሎጂ ኢንስቲትዩት እና የፌዴራል ቴክኒክና ሙያ ስልጠና ኢንስቲትዩት ዋናው ግቢ በምዝገባ ወቅት ፈተናውን መውሰድ የምትፈልጉበትን ማዕከል በመምረጥ ምዝገባ ማድረግ ይኖርባችኋል ተብሏል፡፡ 🔔 ፈተናውን ለመውሰድ የፋይዳ መታወቂያ እንደ ቅድመ ሁኔታ መቀመጡን አውቃችሁ ከወዲሁ እንድትዘጋጁ ኢንስቲትዩቱ አሳስቧል፡፡ ለተጨማሪ መረጃ፦ 0912043138 / 0974272609 / 0985414699 ለበለጠ      👇👇👇 [https://t.me/allethioschool]

የድኅረ-ምረቃ ትምህርት የመግቢያ ፈተና (NGAT) በየትኞቹ ዩኒቨርሲቲዎች ይሰጣል? በዚህ ወር እንደሚሰጥ የሚጠበቀው የድኅረ-ምረቃ ትምህርት የመግቢያ ፈተና (NGAT) ምዝገባ መጀመሩ ይታወቃል። ምዝገባው እስከ ጥር 15/2018 ዓ.ም እንደሚቆይ ተገልጿል። 12 ዩኒቨርሲቲዎች ለፈተና ጣቢያነት የተመረጡ መሆናቸውን ከትምህርት ምዘናና ፈተናዎች አገልግሎት የተገኘው መረጃ ያሳያል። ተመዝጋቢዎች ከታች ከተዘረዘሩ ዩኒቨርሲቲዎች መካከል በአቅራቢያቸው ያለውን ወይም የሚፈልጉትን ለመፈተኛ ጣቢያነት እንዲመርጡ አገልግሎቱ አሳስቧል። ምዝገባው ሲጠናቀቅ በእያንዳንዱ የፈተና ጣቢያ ቢያንስ 25 ተፈታኞች ካላመለከቱበት እንደፈተና ጣቢያ የማይወሰድ መሆኑ ተጠቁሟል። ለፈተና ጣቢያነት የተመረጡ ዩኒቨርሲቲዎች፦ ➫ አዲስ አበባ ዩኒቨርሲቲ ➫ አዲስ አበባ ሳይንስና ቴክኖሎጂ ዩኒቨርሲቲ ➫ ጅማ ዩኒቨርሲቲ ➫ መቐለ ዩኒቨርሲቲ ➫ ወሎ ዩኒቨርሲቲ ➫ ወለጋ ዩኒቨርሲቲ ➫ ባሕር ዳር ዩኒቨርሲቲ ➫ ሀዋሳ ዩኒቨርሲቲ ➫ ጎንደር ዩኒቨርሲቲ ➫ አሶሳ ዩኒቨርሲቲ ➫ ጋምቤላ ዩኒቨርሲቲ ➫ ሐረማያ ዩኒቨርሲቲ 📌Share&forward📌          📌Join📌           👇👇👇 💯 @merejamnch 💯 💯 @merejamnch 💯

#ERMP የ2018 ዓ.ም የብሔራዊ ህክምና ስፔሻሊቲ ስልጠና (ERMP) የመግቢያ ፈተና ጥር 25 እና 26/2018 ዓ.ም ይሰጣል። የፕሮግራሙ አመልካቾች የኦንላይን ፈተና በተመረጡ የፈተና ጣቢያዎች በተጠቀሱት ቀናት እንደሚሰጥ ከጤና ሚኒስቴር የተገኘው መረጃ ያሳያል። የ2018 ዓ.ም የብሔራዊ ህክምና ስፔሻሊቲ ስልጠና (Ethiopian Residency Matching Program/ERMP) የአመልካቾች ምዝገባ ከታህሳስ 06-20/2018 ዓ.ም መከናወኑ ይታወቃል። ለበለጠ መረጃ እና አስተያየት ካለዎት      👇👇👇 [https://t.me/allethioschool] [https://t.me/allethioschool]

መቐለ ዩኒቨርሲቲ በአማራጭ የመምህራን ስልጠና ፕሮግራም ለመሰልጠን ያመለከቱና የመጀመሪያ ዙር ማጣሪያ ያለፉ አመልካቾች ተጨማሪ ማረጋገጫ ማስገባት እንደሚጠበቅባቸው አሳውቋል፡፡ በዚህም የመቐለ ዩኒቨርሲቲ ኤዱኬሽን ሳይንስ ትምህርት ቤት ያወጣው አመልካቾች ዝርዝር ላይ "to be verified" የተባላችሁ በሙሉ፣ የመጀመሪያ ዲግሪ ሰርተፊኬታችሁን እስከ ጥር 17/2018 ዓ.ም ለትምህርት ቤቱ እንድታስገቡ ተብሏል፡፡ እስከተጠቀሰው ቀን ድረስ ሰነዳቸውን የማያስገቡ አመልካቾች በሌሎች ዕጩዎች እንደሚተኩ ዩኒቨርሲቲው ገልጿል፡፡ የመቐለ ዩኒቨርሲቲ አመልካቾች ዝርዝር 👇🏻 https://drive.google.com/file/d/1N6_CNkRjWZeX4LQXIDQGOxRx-4P8wbc-/view መቐለ ዩኒቨርሲቲ በአምስት የትምህርት ዘርፎች ማለትም ባዮሎጂ፣ ፊዚክስ፣ ኬሚስትሪ፣ እንግሊዝኛ እና ሒሳብ መስኮች በእያንዳንዳቸው 40 አመልካቾችን እንደሚቀበል አስረድቷል፡፡ ለአንድ ዓመት የሚሰጠው ’አማራጭ የመምህራን ስልጠና ፕሮግራም’ በአዲስ አበባ ዩኒቨርሲቲ፣ በኮተቤ የትምህርት ዩኒቨርሲቲ፣ በጅማ ዩኒቨርሲቲ፣ በሀዋሳ ዩኒቨርሲቲ፣ በመቐለ ዩኒቨርሲቲ እና በባህር ዳር ዩኒቨርሲቲ ተግባራዊ እየተደረገ ይገኛል። ለበለጠ መረጃ እና አስተያየት ካለዎት      👇👇👇 [https://t.me/allethioschool] [https://t.me/allethioschool]

#JinkaUniversity ጂንካ ዩኒቨርሲቲ የተመደቡ የ2018 ዓ.ም የሪሚዲያል ፕሮግራም አዲስ ገቢ ተማሪዎች ወደዩኒቨርሲቲው ከትናንት ጥር 18/2018 ዓ.ም ጀምሮ በመግባት ላይ ይገኛሉ። ዩኒቨርሲቲው አሁን ላይ መቆጣጠር በተቻለው የማርበርገር ቫይረስ ምክንያት ለሪሚዲያል ተማሪዎች ዘግይቶ ጥሪ ማድረጉ ይታወቃል። ለበለጠ መረጃ እና አስተያየት ካለዎት      👇👇👇 [https://t.me/allethioschool] [https://t.me/allethioschool]